Հաթայի Իսքենդերուն գավառում Մարդինցիների միության (MARDER) կողմից կազմակերպված Աշուրայի օրվա միջոցառման ժամանակ «Բարո’վ եք եկել» գրությամբ ցուցանակը եղել է հինգ լեզուներով, այդ թվում նաև` հայերեն:
«Դողան» լրատվական գործակալության հաղորդմամբ` Մարդինցիների միության (MARDER) կողմից ավանդականորեն նշվող Աշուրայի օրվան նվիրված միջոցառմանը մասնակցել են Իսքենդերունի փոխքաղաքապետ Էմին Դյոնմեզլերը, Մարդինցիների միության նախագահ Սալիհ Բայարը և մի շարք քաղաքացիներ: Միջոցառման անցկացման վայրում «Բարո’վ եք եկել` որպես հոգեհաց մատուցվող Աշուրայի միջոցառմանը» գրությամբ ցուցանակը բացի թուրքերենից, գրված է եղել նաև ասորերեն, հայերեն, քրդերեն և արաբերեն լեզուներով:
Նշենք, որ Աշուրայի օրը մուսուլմանների համար համարվում է առանձնահատուկ, քանի որ հենց այդ օրը, իսլամական ավանդության համաձայն, Մուհամմեդն ասել է. «Ո~վ մարդիկ, շտապեք այդ օրը բարիք գործել, քանի որ այն օրհնված օր է։ Ալլահն այդ օրն է օրհնել Ադամին»։
13.01.2012
Akunq.net
Leave a Reply