Այսօր` Երևանի ժամանակով 21.00-ին, Al Jazeera English հեռուստաալիքով կցուցադրվի Սյուզան Խարտալյանի «Մեծ մորս դաջվածքները» ֆիլմը: Այն պատմում է Առաջին համաշխարհային պատերազմի տարիներին Հայոց ցեղասպանության ժամանակ հայ կանանց և աղջիկներին պարտադրաբար դաջելու մասին:
Ֆիլմի հեղինակը ամիսներ առաջ yerkir.am-ին տված իր հարցազրույցում ասել էր, որ ֆիլմը դաջվածքների ու դրանք կրող կանանց ճակատագրերի մասին է: Խարտալյանը ցանկացել էր նկարահանել ֆիլմ Ռուանդայի ցեղասպանության զոհերի, նրանց կանանց մասին, և թե ինչպես են կանայք իրենց ուսերին կրում ցեղասպանության բեռը: Թեման ուսումնասիրելու ժամանակ ֆիլմի հեղինակը Ֆրանսիայի արխիվներում հայտնաբերում է փաստեր, որոնք նրան հիշեցնում են իր տատի դաջվածքները, ով եղել է Հայոց ցեղասպանության զոհերից մեկը: Սյուզան Խարտալյանին միշտ հետաքրքրել է այդ դաջվածքների իմաստը, և ֆիլմում բացահայտվում են հենց այդ հարցերը:
Ֆիլմը կարող եք դիտել Al Jazeera Englsih ալիքով հետեւյալ օրերին` չորեքշաբթի` հունվարի 11, 20:00, հինգշաբթի` հունվարի 12, 12:00, ուրբաթ` հունվարի 13, 01:00, շաբաթ` հունվարի 14, 06:00, կիրակի` հունվարի 15, 20:00, երկուշաբթի` հունվարի 16, 12:00, երեքշաբթի` հունվարի 17, 01:00:
http://yerkir.am/am/news/18180.htm
Leave a Reply