Մամիկոնյան եւ Ռշտունի հայկական տոհմերը ծպտյալ բնակվում են Թուրքիայում. թուրք պատմաբան

Թուրքիայի պատմագիտական ընկերության նախկին նախագահ, Ազգային շարժում կուսակցության պատգամավոր Յուսուֆ Հալաչօղլուն մի հեռուստահաղորդման ժամանակ կրկին փորձել է ժխտել Հայոց ցեղասպանությունը՝ պնդելով, թե Թուրքիայում դեռ ապրում են ինքնությունը փոխած մոտ 20 հայկական տոհմեր։

Հայոց ցեղասպանության ժխտման գործում իր զավեշտալի հայտարարություններով հայտնի թուրք պատմաբանը ուղիղ եթերում նշել է, թե մոտ 20 հայկական տոհմեր չեն հեռացել Թուրքիայից, ովքեր իրենց սկսել են ներկայացնել որպես քրդական ցեղեր։ 

Հալաչօղլուն ցույց է տվել մի ցուցակ, որտեղ, ըստ նրա, մանրամասն ներկայացված են, թե որ հայկական տոհմի անդամները որ գյուղերում են ապրում եւ ներկայում ինչ քրդական ցեղի անուն են կրում։ Նա հայկական տոհմերից ներկայացրել է մի քանիսին, այդ թվում՝ Մամիկոնյաններին եւ Ռշտունիներին։

http://news.am/arm/news/88427.html