Ստամբուլի Սիվիրլի շրջանի դատախազությունը դիմել է Թուրքիայի խորհրդարանին (ԹԱՄԺ) պատգամավորական անձեռնմխելիությունից զրկել ընդդիմադիր «Ժողովրդահանրապետական» կուսակցության առաջնորդ Քեմալ Քըլըչդարօղլուին: Այս մասին հաղորդում է TRT հեռուստաընկերությունը:Նշվում է, որ դատախազությունը պատրաստ է Քըլըչդարօղլուի նկատմամբ գործ հարուցել` նրան մեղադրելով «Էրգենեկոն» գաղտնի կազմակերպության կողմից նախատեսված ռազմական հեղաշրջման փորձին մասնակցելու մեջ:
Դատախազությունն այժմ սպասում է Թուրքիայի ազգային մեծ ժողովի որոշմանը. եթե խորհրդարանը «ԺՀԿ» առաջնորդին զրկի պատգամավորական անձեռնմխելիությունից, ապա դատախազությունը գործ կհարուցի նրա նկատմամբ:
Հիշեցնենք, որ Քըլըչդարօղլուն հանդիսանում է Թուրքիայի գլխավոր ընդդիմադիր կուսակցության («ԺՀԿ») առաջնորդը: 2011 թվականի խորհրդարանական ընտրություններին «ԺՀԿ»-ն հավաքել էր ձայների 25,94%-ը և ստացել 135 պատգամավորական մանդատ:
haynews.am
Leave a Reply