Թուրքիայի խորհրդարանում 35 պատգամավորական աթոռներ զբաղեցնող միակ քրդական «Խաղաղություն եւ ժողովրդավարություն կուսակցության» (ԽԺԿ) առաջնորդ Սալահեդդին Դեմիրթաշը հայտարարել է, որ թուրքական կառավարությունը պատրաստվում է փակել կուսակցությունը:
Ինչպես հաղորդում է «Արմենպրես»–ը, վկայակոչելով «CnnTurk»-ը, Դեմիրթաշը լրագրողներին ասել է, որ իրեն հայտնի է դարձել, որ Թուրքիայի ներքին գործերի նախարարությունը անվտանգության մարմիններին հանձնարարել է հանցանշաններ հորինել ԽԺԿ դեմ եւ ուղարկել դատախազություններ: «Մենք չգիտենք կուսակցությունը փակելու դատը Սահմանադրական դատարանը կընդունի, թե ոչ, բայց համոզված ենք, որ կառավարությունը պատրաստվում է անել դա», -ասել է ԽԺԿ առաջնորդը:
Armenpress.am
Leave a Reply