Թուրքիայում գործող Մարդու իրավունքների միության Ստամբուլի ճյուղը տարածել է մամուլի հաղորդագրություն, որում անդրադարձել է Ֆրանսիայի Ազգային ժողովի ընդունած Հայոց ցեղասպանությունը դատապարտող օրինագծին:
Մարդու իրավունքների պաշտպանության զբաղվող թուրքական կազմակերպությունն իր հաղորդագրության մեջ կոչ է anwum «մի կողմ թողնել Ֆրանսիայի ընդունած օրինագիծը և ձայն բարձրացնել Թուրքիայում առկա օրենքների դեմ, որոնք ժխտում են ցեղասպանությունը»:
«Թուրքական պետությունը, մեր երկրի բնակչությունը, անգամ մտավորականությունը դեմ են արտահայտվում Ֆրանսիայում օրինագծի ընդունմանը: Բոլորը դա անվանում են «խոսքի ազատության սահմանափակում»: Սակայն ինչպես կարելի է ցեղասպանության և կոտորածի ժխտումը համարել ազատ խոսքի սահմանափակում»,-նշված է հաղորդագրության մեջ:
Կազմակերպությունը նաև նշում է, որ առաջնահերթ պետք է գլուխ բարձրացնել թուրքական օրենքների դեմ, որոնք ոչ միայն սահմանափակում են Ցեղասպանության մասին խոսելը, այլ նաև` ժխտում են այդ փաստը:
HayNews.am
Leave a Reply