Իսրայելի Կնեսետի Կրթության հանձնաժողովը կքննարկի Հայոց ցեղասպանության ճանաչման հարցը

Իսրայելի խորհրդարանի՝ Կնեսետի Կրթության հարցերի հանձնաժողովը  երկուշաբթի` 2011թ. դեկտեմբերի 26-ին, տեղական ժամով առավոտյան ժամը 10-ին (Երևանի ժամով՝ 12։00-ին) քննարկելու է Հայոց ցեղասպանության ճանաչման հարցը։

Ինչպես տեղեկանում ենք ՀՅԴ Բյուրոյի հանրային կապերի գրասենյակից, ակնկալվում է, որ քննարկումը կտևի մոտ մեկուկես ժամ։ Հայ Դատի Երուսաղեմի հանձնախմբի անդամները ներկա են լինելու Կնեսետի հանձնաժողովի նիստին։

Հատկանշական է «Ջերուզալեմ Փոստ» օրաթերթի դեկտեմբերի 24-ի «Հայկական հիշատակ» վերնագրով խմբագրականը, որը եզրակացնում է. «Էրդողանը կոպիտ վարք ունի ոչ միայն Իսրայելի նկատմամբ:

Չկա որևէ պատճառ անվիճելի պատմական ճշմարտությամբ չհակազդել նրա մեղադրանքներին: Սկսելու համար ինչու՞ վերջ չտանք Թուրքիայի կողմից հայերի նկատմամբ իրականացրած դաժանությունների վերաբերյալ Կնեսետի բանաձևի ընդունման դեմ պայքարելու պարսավելի սովորությանը:

Մենք կարող ենք քննարկել (և բանաձև ընդունել) 1890 թվականին Թուրքիայի կողմից իրականացված առաջին հայկական կոտորածը (100.000-200.000 զոհ), դրան հաջորդած 1915 թվականի մեգա եղեռնը, երբ միլիոնից ավել քաղաքացիական հայեր արյան բաղնիքում կոտորվեցին կամ արտաքսվեցին Սիրիայի ուղղությամբ, առաջին աշխարհամարտի ժամանակ Թուրքիայի հարավ-արևելքում մորթված տասյնակ հազարավոր ասորիներ խնդիրը, 20-րդ դարի ընթացքում և դրանից հետո շարունակվող էթնիկական զտումները, օդային ռմբակոծությունները և այլ գործողությունները, որոնք անկախության ձգտող և արժանի հազարավոր քրդերի կյանք խլեցին, և վերջապես 1974-ին Հյուսիսային Կիպրոս ներխուժումն ու շարունակվող բռնազավթումը (որը միջազգային հանրությանը չի հուզում)»:

26.12.11

Tert.am