Հոկտեմբերի 23-ին եւ նոյեմբերի 9-ին Վանում տեղի ունեցած 7.2 եւ 5.9 մագնիտուդ ուժգնության երկրաշարժերից գրեթե ամբողջությամբ ավերված քաղաքից, որտեղ բնակֆոնդի 90 տոկոսը դուրս է եկել շարքից, 35 հազար բնակիչներ արդեն հեռացել են:
Ինչպես հաղորդում է «Արմենպրես»–ը` վկայակոչելով թուրքական «Հաբեր 3» լրատվական կայքը, Թուրքիայի կառավարության աղետների եւ արտակարգ իրավիճակների վարչությունը հայտնել է, որ 29 հազարից ավելի աղետյալներ քաղաքից դուրս են բերվել եւ տեղավորվել երկրի հարավային շրջաններում պետության աջակցությամբ: Նշվում է, որ պատվիրված 23 հազար 120 վրանների եւ ժամանակավոր տնակների դիմաց, օտարերկրյա օգնությունների շնորհիվ, Վանի աղետյալ շրջաններ են հասցվել 12 հազար 309 ժամանակավոր կացարաններ, որոնցից, ներկա դրությամբ, տեղադրվել են 8 հազարը:
Ոչ պաշտոնական աղբյուրների տվյալներով` գրեթե ամեն օր ցնցվող Վանից ներկա դրությամբ ավելի քան 100 հազար մարդ հեռացել է:
Armenpress.am
Leave a Reply