ՀԲԸՄ-ի նյույորքյան լրատվական գրասենյակից ստացված հաղորդագրությունը տեղեկացնում է, որ Ստամբուլում «Արաս» հրատարակչությունը օրերս թուրքերեն լեզվով լույս է ընծայել ճանաչված պատմաբան Ջորջ Բուրնությանի «Հայ ժողովրդի համառոտ պատմությունը» աշխատությունը: Հայ եւ թուրք թարգմանիչների համագործակցության արդյունք հատորը, որը բաղկացած է 464 էջից, քարտեզներից եւ լուսանկարներից, առաջին անգամ ներկայացվել է Ստամբուլի միջազգային գրքի տոնավաճառի օրերին (նոյեմբերի 18-ից դեկտեմբերի 1-ը):
Դոկտ. Ջորջ Բուրնությանը դասավանդում է Այոնա քոլեջի (Հեբրիդյան կղզիներ) Արեւելյան Եվրոպայի եւ Մերձավոր Արեւելքի երկրների պատմության ֆակուլտետում: Հեղինակ է մեկ տասնյակից ավելի ուսումնասիրությունների:
Ներկա հատորի անգլերեն տարբերակը գրվել է ՀԲԸՄ-ի հանձնարարությամբ 1993-94 թվերին: Վերջերս լույս է տեսել նաեւ գրքի իսպաներեն տարբերակը Բուենոս Այրեսում: Իսկ Կահիրեի ՀԲԸՄ-ն առաջիկա 2012-ի առաջին քառորդում կհրատարակի դրա արաբերեն տարբերակը: Ընդհանուր առմամբ ցարդ վաճառվել է 20 հազար օրինակ: Հատորը նաեւ օգտագործվում է որպես դասագիրք Ամերիկայի համալսարաններում, քոլեջներում եւ այլ կրթական հաստատություններում:
23-12-2011
«ԱԶԳ» ՕՐԱԹԵՐԹ #233
Leave a Reply