Պետք է միավորվել ոչ թե Ֆրանսիայի խորհրդարանի, այլ` ցեղասպանության ժխտման դեմ

Աշխարհի տարբեր երկրներից հետո հիմա էլ ֆրանսիական խորհրդարանում Հայոց ցեղասպանության ժխտումն արգելող օրինագծի դեմ համախմբված են երևում Թուրքիայի լայն զանգվածները, այդ թվում` Արդարություն և զարգացում, Ժողովրդահանրապետական, Ազգայնական շարժում կուսակցությունները, որոշ գործարար շրջանակներ և նշանակալի չափով մտավորականներ: Օրինագծի դեմ հանդես եկող տեսակետները միավորվում են այն կետում, թե սույն օրինագիծը չի համապատասխանում մտքի ազատությանը:

Ցեղասպանության ժխտումը ծառայում է պետության ձեռքով իրագործված կազմակերպված հանցագործության անպարտելիությանը, արգելք լինում` պատմության հետ առերեսվելուն, զոհերի հիշատակի առաջ խոնահրվելուն, վերապրածների թոռների նկատմամբ ամոթ զգալուն և «Այլևս երբե’ք» ասելուն, մնայուն դարձնում` անհավասարությունը և պոտենցիալ բռնության սպառնալիքը:

Ինչպես հայտնի է, ՄԱԿ-ի Գլխավոր ասամբլեան Ցեղասպանության հանցագործության կանխելու և պատժելու մասին կոնվենցիան ընդունել է 1948 թ. դեկտեմբերին, և այն օրենքի ուժ է ստացել 1951 թ. հունվարին: Այդ օրվանից մինչ օրս Հոլոքոստի, այսինքն` հրեական ցեղասպանության ժխտումը արգելված է բազմաթիվ երկրներում. դրա համար գումարային տուգանք և ազատազրկում է սահմանված: Ֆրանսիան նույնպես Հոլոքոստի մերժման դեմ օրենք է հրապարակել 1990 թվականին:

Ցեղասպանության ժխտումը այնպիսի երևույթ չէ, որը պետք է գնահատել մտքի ազատության համատեքստում: Ցեղասպանության ենթարկված ժողովրդի զավակների և ցեղասպանության ամոթը զգացողների հանդեպ բանեցվող բռնությունը այն ազդեցիկ միջոցներից մեկն է, որը մնայուն է դարձնում ցեղասպանությունը և հրավեր ուղղում` նոր ոճրագործությունների:

Այդ պատճառով մենք` ներքոստորագրյալներս, նախ և առաջ պահանջում ենք, որպեսզի վերջ տրվի Թուրքիայի կյանքի բոլոր բնագավառներում շարունակվող, խիղճը վիրավորող, զոհերին կրկին ու կրկին ցավ պատճառել շարունակող ժխտողականության քաղաքականությանը:

Ասուդե Քայաս

Աթիլլա Դիրիմ

Աթիլլա Թույգան

Այշեգյուլ Դևեջիօղլու

Այշե Գյունայսու

Բիլգին Այաթա

Ջեմալ Յարդըմջը

Ջենգիզ Ալգան

Էրեն Քեսքին

Էրոլ Օզքորայ

Էրսին Սալման

Հալիլ Բերքթայ

Լալեփեր Այթեք

Մեհմեթ Աթաք

Մեհմեթ Փոլաթել

Սաիթ Չեթինօղլու

Շեբնեմ Քորուր Ֆինջանջը

Ուլքյու Օզաքըն

Ումիթ Իզմեն

Վենսան Բուվաղ

22.12.2011

Akunq.net