Անգլիացին իրավունք է ստացել օգտագործել «Աթաթուրք» անունը որպես ապրանքանիշ

Թուրքիան պարտվել է անգլիացի մահմեդական  Մուհամեդ Սույահ Ժիոհեր Յաքուբի դեմ բացած դատական հայցը, որով պահանջում էր չեղյալ հայտարարել «Աթաթուրք» անունը որպես ապրանքանիշ օգտագործելու թույլտվությունը։

Թուրքական Dunyabulteni կայքի փոխանցմամբ՝ Անգլիայի քաղաքացի Յաքուբը 2005-ի հոկտեմբերի 5-ին «Աթաթուրք» անունը գրանցել էր որպես ապրանքանիշ եւ թույլտվություն ստացել այդ անունով ապրանքներ վաճառել Եվրամիության երկրներում։  Թուրքիան այս որոշման դեմ դատական հայց էր ներկայացրել՝ պնդելով, թե «Աթաթուրք» անունը նույնիսկ Աթաթուրքի քույրը չի կարողացել օգտագործել։ Սակայն դատարանը մերժել է Թուրքիայի հայցը եւ հնարավորություն տվել անգլիացի գործարարին՝ արտադրել «Աթաթուրք» անունով ապրանքներ։

http://news.am/arm/news/86544.html