Նախիջևանի իրական պատմությունն ամփոփվել է մեկ ժողովածուում

Սևծովյան-կասպյան տարածաշրջանի քաղաքական և սոցիալական հետազոտությունների ինստիտուտը հրապարակել է «Նախիջևանը XX և XXI դարասկզբին. որոշ փաստեր» հոդվածների ժողովածուն:

Աշխատությունում տեղ է գտել Ադրբեջանի ժամանակակից պատմագրության խեղաթյուրված իրողությունների իրական պատկերը: Մասնավորապես խոսվում է այն մասին, թե ինչպես է վերացել մարզի բնիկ հայկական բնակչությունը, ինչ հանգամանքներում է Նախիջևանը հայտնվել Ադրբեջանի հովանավորության ներքո, կամ ինչպես են այդ տարածքում տեղի իշխանությունները վերացրել հայկական մշակույթի կոթողներն ու խաչքարերը, որոնք ներկայացվել էին որպես «ալբանա-ադրբեջանական մշակույթի ժառանգություն»:

Հոդվածների ժողովածուում խոսք է գնում նաև այն մասին, թե ինչու է մարզն այսօր հայտնվել Թուրքիայի համակ ուշադրության կենտրոնում, ինչպես նաև Նախիջևանում ներկայում տիրող սոցիալ-տնտեսական ծանր իրավիճակից:

Ժողովածուում առկա են փաստագրական ապացույցներ, որոնք վկայում են տարածքների՝ բնիկ հայերին պատկանելու մասին:

http://www.panorama.am/am/society/2011/12/19/nakhijevan-book/