Թուրքիայում լայնածավալ գործողություններ են իրականացվում «Քրդստանի աշխատավորական կուսակցության» (PKK) դեմ:Գործողությունների հիմնական թատերաբեմը Գյորեսե սարն է, որը համարվում է քրդերի կարևոր հենակետերից մեկը Թուրքիայում:
Թուրքական լրատվամիջոցների փոխանցմամբ` ավիացիայի աջակցությամբ գործողությունը դեռ շարունակվում է:
Հիշեցնենք, որ «Քրդստանի աշխատավորական կուսակցությունը» (Partiya Karkerên Kurdistan կամ PKK) քրդական մարքսիստական-լենինիստական ուղղվածության կազմակերպություն է, որի նպատակն է զինված պայքարի միջոցով Թուրքիայի հարավարևելյան, Իրաքի հյուսիսային, Իրանի հյուսիսարևմտյան և Սիրիայի հյուսիսարևելյան տարածքների վրա Քրդստան անկախ պետության հիմնումը: Կազմակերպությունը հիմնադրվել է 1978 թվականին Դիարբեքիրում (Աղձնիք նահանգ)՝ Աբդուլլահ Օջալանի (Ափո) կողմից, ով ներկայում ցմահ ազատազրկում է կրում թուրքական Իմրալը կղզու բանտում:
Կազմակերպությունն ակտիվ ռազմական գործողություններն սկսել է 1984-ին: Թուրքական իշխանությունների դեմ մղվող շուրջ 30 տարվա պայքարի ընթացքում զոհվել է մոտ 45 հազար մարդ: PKK-ն ահաբեկչական կազմակերպությունների շարքին են դասում ԱՄՆ-ը, ԵՄ-ը, մի շարք այլ երկրներ:
Leave a Reply