Թուրքիան պատրաստվում է պատժիչ գործողությունների` ընդդեմ Ֆրանսիայի

Թուրքիան նախապատրաստվում պատժամիջոցներ կիրառել, եթե Ֆրանսիայի խորհրդարանի վերին պալատը դեկտեմբերի 22-ի քվեարկի հօգուտ հայկական բանաձևի ընդունման. տեղեկացնում է «CnnTurk» լրատվական ծառայությունը:

Եվ այսպես`

• Թուրքիան Ֆրանսիայից պահանջելու է հետ կանչել Անկարայում գտնվող իր դեսպանին, այլապես վերջինս կհայտարարվի անցանկալի անձ (persona non grata):

• Անկարան իր ներկայացուցչական մակարդակը Փարիզում իջեցնելու է գլխավոր քարտուղարի աստիճանի:

• Ֆրանսիայում գտնվող Թուրքիայի ռազմական կցորդները հետ են կանչվելու, Չեղյալ են հայտարարվելու Ֆրանսիայի ռազմական կցորդների հավատարմագրերը:

• Աճուրդի չեն ընդունվելու ֆրանսիական ընկերությունները: Վերջիններիս հետ համագործակցող թուրքական ընկերությունները ևս չեն մասնակցելու հայտարաված աճուրդներին:

• Թուրքիայի օդային տարածքը ամբողջովին փակվելու է ֆրանսիական ռազմական ինքնաթիռների համար:

• Խոչընդոտվելու է Ֆրանսիայի ռազմանավերի մուտքը Թուրքիայի տարածքային ջրեր:

• Թուրքիան միջազգային կառույցներում չի պաշտպանելու Ֆրանսիայի քաղաքականությունը:

• Իրանի, Սիրիայի և Մերձավոր Արևելքի թեմայով Փարիզի հետ տեղեկատվական փոխանակում այլևս չի լինելու:

• Կասեցվելու է Ֆրանսիայի հետ գիտատեխնիկական և կրթամշակութային համագործակցությունը:

Հիշեցնենք, որ Ֆրանսիայի խորհրդարանը քննարկելու է իշխող «Ժողովրդական շարժման միություն» կուսակցության պատգամավոր Վալերիա Բոյերի հեղինակած օրինագծի վավերացման հարցը, համաձայն որի, Հայոց ցեղասպանության ժխտումը պետք է հարուցի վարչական ու քրեական վարույթներ` 45.000 եվրո տուգանք և 1 տարի ազատազրկում:

http://www.panorama.am/am/politics/2011/12/20/cnn-turk-france-turky/?mid=55