Անկարայի ավերված հայկական Վանք եկեղեցին նորից է կառուցվելու

Թուրքիայի մայրաքաղաքում  զինվորական նոր հիվանդանոց կառուցելու թույլտվություն տալու համար Թուրքիայի մշակույթի եւ տուրիզմի նախարարությունը պարտադրել է հիշյալ հողատարածքի վրա կառուցել նախորդ դարասկզբին ամբողջովին ավերված հայկական Վանք եկեղեցին։

Թուրքական Haberturk-ի փոխանցմամբ՝ Թուրքիայի մշակույթի եւ տուրիզմի նախարարությունը նշել է, թե այդ վայրում գտնվել է 1759 թ. հայկական համայնքի կողմից կառուցված եւ մինչեւ 1900-ականները գործող Վանք եկեղեցին, որը հոգեւոր ծառայություն է մատուցել Անկարայի, Քըրշեհիրի եւ Սիվրիհիսարի հայ բնակչությանը։ Չնայած, որ այդ վայրում չեն պահպանվել եկեղեցու մնացորդները, նախարարությունը մեջբերել է Հոլանդիայի մայրաքաղաքի թանգարաններից մեկում գտնվող «Անկարա» յուղաներկը, որի մեջ Վանք եկեղեցին գտնվում է նկարի ձախ հատվածի նեքեւի մասում։

http://news.am/arm/news/86376.html