Թուրքիայում մինչեւ Հայոց ցեղասպանությունը հայերով բնակեցված Սվազ նահանգի Հաֆիքի շրջանում գտնվող հայկական եկեղեցին դեռեւս շարունակվում է որպես պահեստ օգտագործել։
Թուրքական IHA գործակալության փոխանցմամբ՝ Սվազ նահանգի Թուզհիսար գյուղում գտնվող 300-ամյա հայկական եկեղեցու վերանորոգման եւ զբոսաշրջության համար բացելու աշխատանքների դադարեցման հետեւանքով շարունակում է օգտագործվել որպես պահեստ։
Մեհմեդ Գյուլը, ում սեփականության մեջ է գտնվում հայկական եկեղեցին, նշել է, թե ժամանակին իր հայրը պետությունից աճուրդի միջոցով գնել է այս եկեղեցին։ «Հիմա էլ ինձնից ուզում են այն։ Ասում են՝ այստեղ զբոսաշրջության համար բացենք։ Թող իմ գումարը տան ու վերցնեն։ Քայմաքամը գալիս է՝ զգուշացնում, որ մեջը բան չդնեմ։ Այո, երբեմն-երբեմն զբոսաշրջիկներ այցելում են, ուսումնասիրում եկեղեցին»,-ասել է Մեհմեդ Գյուլը։
Հաֆիքի քաղաքապետ Զեքի Այդընը նշել է, թե շատ կարեւոր է պահպանել եւ վերանորոգել պատմական արժեքները՝ շեշտելով, որ ինքը բարձրաձայնել է եկեղեցու՝ զբոսաշրջության համար բացելու անհրաժեշտության մասին։ «Մեր հնարավորությունների սահմաններում աշխատանքներ կատարել ենք, պատրաստել ենք զեկույց, սակայն դեռեւս չենք ուղարկել նախարարություն»,-նշել է քաղաքապետը։
Դեկտեմբեր 16, 2011
Leave a Reply