ԱՄՆ-ում թուրքական լոբբին ցնցված է

ԱՄՆ-ի Կոնգրեսի Ներկայացուցիչների պալատում Կրոնական ազատության վերաբերյալ օրինագծի քննարկման ժամանակ անսպասելի դիրքորոշում է որդեգրել Կոնգրեսի թուրք-ամերիկյան բարեկամության խմբի համանախագահ Էդ Ուայթֆիլդը: Ելույթ ունենալով հայամետ կոնգրեսական Ադամ Շիֆթից հետո, նա կողմ է արտահայտվել օրինագծին, այսպիսով “սառը” ջուր լցնելով ԱՄՆ-ում թուրքական լոբբիի վրա: Տեղեկացնենք, որ ԱՄՆ Կոնգրեսի Ներկայացուցիչների պալատը երեկ ընդունել է թիվ 306 բանաձեւը, որը Թուրքիային կոչ է նայում հարգել քրիստոնյա փոքրամասնության դավանանքի իրավունքը, նաեւ վերադարձնել հայկական, ասորական, հունական եւ այլ քրիստոնեական համայնքների պատկանող բռնագրավված եկեղեցիներն ու կալվածքները: Այս մասին տեղեկացնում է տեղեկացնում է ՀՅԴ Ամերիկայի Հայ Դատի հանձնախումբը: Համաձայն ընդունված որոշման` Թուրքիան պարտավոր է՝

1) վերջ դնել բոլոր տեսակի կրոնական խտրականություններին,

2) թույլատրել բոլոր կրոնական փոքրամասնություններին կրոնական արարողություններ, պատարագներ, աղոթքներ իրականացնել իրենց եկեղեցիներում,

3) օրինական տերերին վերադարձնել քրիստոնեական եկեղեցիները, վանքերը, դպրոցները, հիվանդանոցները, հուշարձանները, մասունքները, սրբավայրերը եւ այլ կրոնական սեփականություններ, ներառյալ` արվեստի գործեր, ձեռագրեր, հանդերձները, նավեր եւ այլն,

4) թույլատրել քրիստոնյաներին վերանորոգել իրենց երկրպագության վայրերը այնպես, ինչպես իրենք կցանկանան:

http://www.armweeklynews.am/i3/main/mdec/mdec2035.html