Թուրիքայի Թունջելիում (Դերսիմ) ոչ կառարավարական կազմակերպությունների և քաղաքապետարանների կողմից կազմակերպվել է համատեղ բազմահազարանոց հանրահավաք և երթ, որի ընթացքում դերսիմցիները մերժել են վարչապետ Էրդողանի ներողությունը: Այս հանրահավաքին մասնակցելու են եկել նաև շուրջ 5 հազար դերսիմցիներ այլ նահանգներից:1937-38 թթ Դերսիմի դեպքերի կապակցությամբ հանրահավաքն ընդունել է հռչակագիր, ուր մերժվում է վարչապետի ներողությունը և առաջ քաշվում պահանջներ, որոնք կարող են հիմք հանդիսանալ իրական ներողության համար:
Դերսիմցիները պահանջում են բացել բոլոր արխիվները, ետ վերադարձնել իրենց անուններն ու ազգանունները, բնակավայրերը, նահանգը և աշխարհագրական վայերը վերանվանել նախկին անվանումներով, բացահայտել մասսայական գերազմաների ու հուղարկավորությունների տեղերը, կատարված դեպքերի իրականությունը վեր հանելու նպատակով հատուկ հանձնաժողով ձևավորել: Միայն կատարված հանցագործությունների մեղավորներին բացահայտելուց և այդ պահանջների կատարումից հետո կարող է ներողությունն իրական համարվել, հայտարարել են հանրահավաքի մասնակիցները: Այս մասին տեղեկացնում է թուրքական «Ռադիկալ» թերթը: Հավելենք, որ Հայաստանում ևս ուշի ուշով հետևում են Դերսիմի դեպքերի հետ կապված իրադարձություններին, քանի որ նմանատիպ, սակայն ավելի մեծ չափերով հանցագործություն է կատարվել հայերի նկատմամբ:
Եթե դերսիմցիները կարող են հանրահավաք անել Թուրքիայում և իրենց արդարացի դատը պահանջել, ապա ցեղասպանության ենթարկված հայերն այդ երկրում նման իրավունք և հնարավորություն չունեն: Սակայն Դերսիմը կդառնա այն նախադեպը, որի միջոցով թուրք հասարակությունը կփորձի առաջին քայլերը կատարել դեպի իր պատմության սև էջերը:
Armweeklynews.am
Leave a Reply