Թուրքաբնակ քրդերը պատրաստվում են «Քրդստանի փոխարժեք» թողարկել

Թուրքիայի ազգային հետախուզական կազմակերպությունը թուրքական մամուլի միջոցով տարածել է, որ Քրդստանի աշխատավորական կուսակցության (ՔԱԿ) քաղաքային թեւ համարվող Քրդստանի հասարակությունների միություն-ը (KCK), «քրդական դատարան» եւ «քրդերենով ազան» ստեղծելուց հետո, այժմ էլ պատրաստվում է «Քրդստանի ազգային փոխարժեք» թողարկել:

Ինչպես հաղորդում է «Արմենպրես»-ը, թուրքական հետախուզությունը հայտնել է, որ ՔԱԿ-ի կենտրոնակայան Կանդիլում տպագրված «Քրդստանի փողի» մի երեսին 1925 թ. մահապատժի ենթարկված Շեյխ Սաիդի, մյուս երեսին` 1922 թ. կասկածելի հանգամանքներում սպանված Մուսա Անթերի դիմանկարներն են, եւ որ այդ «փողը» շրջանառության մեջ է մտցվելու քարոզչական նպատակներով:

Թուրքական մամուլը հայտնել է, որ ՔԱԿ-ն այդ «փողը», Թուրքիայից բացի, շրջանառության մեջ է դնելու նաեւ Իրաքում, Իրանում եւ Սիրիայում բնակվող քրդերի շրջանում:

«Քրդստանի փողի» շնորհանդեսի արարողությունն անցկացվելու է դեկտեմբերի 14-ին` քրդերի ազգային առաջնորդ Աբդուլլա Օջալանի ծննդյան օրը: Նշվում է, որ թեեւ այդ «փողերի» զանգվածային շրջանառությունը նախատեսվում էր 2014 թ., բայց վերջին շրջանում տեղի ունեցած իրադարձություններն արագացրել են գործընթացը:

06.12.2011

Armenpress.am