Թուրքիան աշխատանքներ է սկսել Հայոց ցեղասպանության զոհերի ոգեկոչման օրվա` ապրիլի 24-ի նախօրյակը` ապրիլի 23-ը, որպես Երեխաների տոն, UNESCO-ի օրացույցում ընդգրկելու ուղղությամբ: Թուրքական haber3.com լրատվական կայքի փոխանցմամբ` այդ մասին հայտարարել է Թուրքիայի Ազգային մեծ ժողովի ազգային կրթության, մշակույթի, երիտասարդության և սպորտի հանձնաժողովի նախագահ ու Արդարություն և զարգացում կուսակցության ընտրացուցակով Էսքիշեհիրից ընտրված պատգամավոր Նաբի Ավջըն: Թուրք պատգամավորը հայտնել է, թե իրենց կողմից ջանքեր են գործադրվում նաև` թուրքերենին ՄԱԿ-ում պաշտոնական լեզվի կարգավիճակ շնորհելու ուղղությամբ: Թուրք պատգամավորը կարծիք է հայտնել, թե ապրիլի 23-ը, որպես Երեխաների տոն, UNESCO-ի օրացույցում ընդգրկելը կարևոր է նաև ՄԱԿ-ի համար:
Հայտնենք, որ ապրիլի 23-ին Թուրքիայում նշվող այս ազգային տոնի ամբողջական անվանումն է` Ազգային անկախության և երեխաների տոն:
05.12.2011
Akunq.net
Leave a Reply