Էրդողանի ներողությունը ծանրակշիռ ապացույց է միջազգային դատարանում

Թուրքիայի վարչապետ Էրդողանի ներողությունը պետության անունից բավականին հեշտացրել է այն փաստաբանների գործը, որոնք պատրաստվում են Դերսիմի դեպքերի առնչությամբ դիմել միջազգային դատարան: 1937-38 թվականներին Դերսիմի կոտորածների փաստահավաքությամբ զբաղվող և միջազգային դատարան դիմելու նպատակով փաստաթղթեր նախապատրաստող փաստաբաններից Էրդալ Դողանը հայտարարել է, որ վարչապետի ներողությունը ծանրակշիռ ապացույց է Թուրքիայի հանրապետության կողմից կատարած հանցագործության հիմնավորման համար: Այս մասին տեղեկացնում է թուրքական Թարաֆ թերթը: Այժ-մ փաստաբանները պատրաստվում են Էրդողանի ներողությունն էլ «կցել» միջազգային դատարան ներկայացվող փաստաթղթերին:

Դերսիմը կարող է ճանապարհ բացել Հայոց ցեղասպանության համար, ինչը ևս անհանգստացնում է թուրք ազգայնականներին: Սակայն այն պատասխանատվությունը, որ պետք է կրի Թուրքիա հանարապետությունը Դերսիմի դեպքերի համար, պետք է բազմապատկվի առնվազն 100 անգամ , որպեսզի հատուցվի 1915թ-ին հայերի ցեղասպանության համար:

03.12.11

Armweeklynews.am