Ժամանակակից Թուրքիան կրոնների մեծ բանտ է

Եվրոպայի ժողովրդավար իրավապահ կազմակերպությունները պետք է արձագանքեն այս իրողությանը: Թուրքիայի ոչ սուննի հավատի կրոնական քարտեզը մեծ բանտի նկարագիր է, որը օրենքով սահմանված կարգով պաշտոնապես գրանցում, հետևում և վերահսկում է Ներքին գործերի նախարարությունը՝ ոստիկանության միջոցով, ինչպես բանտարկյալներին երկրի բանտերում: Թուրքիայում պաշտոնական տվյալներով ապրում են 20 մլն ալևիներ, 500 հազար շիաներ, 65 հազար ուղղափառ հայեր, 23 հազար հրեաներ, 15 հազար Ասորի քրիստոնյաներ, 10 հազար բահաիներ, 3 հազար Եհովայի վկաներ, 3 հազար Հույն ուղղափառ եկեղեցու հավատացյալներ:

Եվ այս բոլոր համայնքների գործունեությունը և պաշտանմունքի վայրերը գրանցում և իրավական կարգավիճակ է տալիս Ներքին գործերի նախախարությունը: Alevi.org կայքում Թուրան Էսերը արդարացի հարց է բարձրացնում, թե ինչու սուննի հավատի մզկիթները գրանցում և իրավական կարգավիճակ է տալիս Թուրքիայի Կրոնի գործերով վարչությունը, իսկ ոչ սունիի հավատի և քրիստոնյա համայնքների պաշտանմունքի վայրերն ու կառույցները` ներքին գործերի նախարարությունը՝ ոստիականության միջոցով: Ընդ որում՝ Ներքին գործերի նախարարությունը այդ գործընթացն իրականացնում է համարյա թե նույն կարգով, ինչպես գրանցում և իրավաբանական անձի կարգավիճակ է տալիս երկրի բանտերին կամ հաշվառում է բանտարկյալներին:

Ալևի պարբերականի տվյալներով Թուրքիայի Ներքին գործերի նախարարությունում 2007թ-ի դրությամբ գրանցված են գործող 900 ջեմևի (ալևիների աղոթատուն), 321 եկեղեցի (որից` 90 հույն ուղղափառ, 55 հայ առաքելական, 60 ասորի ուղղափառ, 53 կաթոլիկ, 52 բողոքական, 2 թուրք ուղղափառ և այլ եկեղեցիներ), 36 սինագոգ և այլ կրոնական ուղղությունների պաշտանմունքի վայրեր ու կառույցներ

Թուրքիայի Կրոնի գործերով վարչությունում գրանցված են 80 հազար 636 սուննի մզկիթներ: Այդ ինչպես է, որ շուրջ 80 հազար մզկիթների և նրանց հավատացյալ համայնքների գործերը պաշտոնապես վարում է մի վարչություն, իսկ շուրջ 1273 այլ կրոններին պատկանող պաշտանմունքի վայրերը և նրանց հավատացյալ համայնքների գործերը վարում է մի ողջ նախարարություն և հզոր ոստիկանության ծառայություն: Մի՞թե սա վկայությունը չէ այն բանի, որ Թուրքիան կրոնների մեծ բանտ է, և ոչ սուննի հավատացյալներին վերաբերվում են որպես բանտարկյալների:

Armweeklynews.am