Դերսիմի ներողությանը հաջորդելու է Հայոց ցեղասպանությունը. թուրք ազգայնականներ

Թուրքիայում չեն դադարում քննադատել վարչապետ Թայիփ Էրդողանին, ով «համարձակվել» էր ներողություն խնդրել Դերսիմի կոտորածների համար: Սյս անգամ քննադատողի դերում է հանդես եկել «Ազգայնական շարժում» խորհրդարանական կուսակցության անդամ, պատգամավոր Օզջան Ենիչերին:
Ենիչերին Էրդողանի խոսքերը բնորոշել է որպես հարված Աթաթուրքին, հանրապետականությանն ու թուրք ժողովրդին:
Հիշեցնենք, որ Էրդողանը, անդրադառնալով 1937-38 թթ-ին Դերսիմում իրականացված կոտորածներին, նշել էր, թե «եթե հարկավոր է, ապա իքնը պետության անունից ներողություն է խնդրում «այդ դեպքերի» համար»:
«Այժմ էլ հերթում են Հայոց ցեղասպանության, Սեպտեմբերի 6-7-ի դեպքերի, Իզմիրի հրդեհը և այլն…»,-նշել է ազգայնական պատգամավորը` ակնարկելով, որ Էրդողանը կարող է ներողություն խնդրել նաև այդ դեպքերի համար:

30.11.2011

HayNews.am