Youtube տեսաֆիլմերի համացանցում շրջանառվում է տեսանյութ, որտեղ առաջ է քաշվում Վանի երկրաշարժի արհեստական լինելու գաղափարը: Թուրքական Միլլիյեթ թերթը ևս շրջանառել է այդ տեսանյութը: Ինչպես միշտ, այս անգամ էլ երկրաշարժին վերագրում են “կլիմայի փոփոխության և երկրաշարժերի առաջացման” գեոֆիզիկական զենքին:
Սակայն տեսանյութը պնդում է, որ այլ պետության կողմից հարձակման է ենթարկվել Թուրքիան:
Չի բացառվում, որ թուրքերն իրենք են պատրաստել այս տեսանյութը, քանի որ քրդերի շրջանում ավելի ու ավելի է արմատավորվում այն տեսակետը, որ Թուրքիայի իշխանությունների նպատակն է եղել այդ շրջանը դատարկել քրդերից: Նախ, երկու ուժեղ երկրաշարժերից հետո կառավարությունը ոչ միայն չի խանգարել մասսայական արտագաղթին, այլ նաև անուղղակի աջակցել է, որ նրանք մասսայաբար արտագաղթեն դեպի Մերսին և Ադանա: Օրեր առաջ տեղի ունեցած հրդեհի հետևանքով ամբողջովին այրվել են անօթևանների հասցեով եկած օգնության բեռները:
Քրդերը Վանում պնդում են, որ նահանգային իշխանությունը չի բաշխել այն քաղաքացիներին և հետո այրել է; Այժմ էլ գիտնականները և նահանգային իշխանությունները փնտրում են նոր վայր նոր քաղաք կառուցելու համար, բայց փորձում են բնակչության մեջ արմատավորել այն տեսակետը, որ նոր քաղաքը չի կարելի կառուցել հարթավայրում, այլ այն պետք է կառուցել լեռնային շրջանում: Իսկ լեռնային թեք հարթյունների վրա մեծ քաղաք չես կարող կառուցել: Հետևաբար Թուրքիայի իշխանությունը փակեց Վան քաղաքի պատմության էջը 21-րդ դարում:
01.12.11
Armweeklynews.am
Leave a Reply