Թուրքական մամուլում շարունակվում են տարբեր կարծիքներ հնչել Թուրքիայի վարչապետ Թայիփ Էրդողանի` Դերսիմի կոտորածների համար ներողություն խնդրելու կապակցությամբ: Հերթական ուշագրավ հոդվածը տեղ է գտել «Հյուրիյեթ» պարբերականում:Թուրքական պարբերականի սյունակագիր Սեդաթ Էրգինն իր «Մեր պատմությունը վերանայելու անհրաժեշտությունը» գլխագրով հոդվածում նշում է, որ 1930-ականների Դերսիմի կոտորածից բացի, Թուրքիայի պատմության մեջ կան նաև այլ անցքեր, որոնց նույնպես պետք է ուշադրություն դարձնել:
«Թուրքիայի հանրապետական շրջանից առաջ և հետո նույնպես շատ այլ հարցեր կարիք ունեն առերեսման և քննարկման: Ինչպիսի անուն ուզում եք, տվեք, բայց 1915 թվականին 1,5 մլն հայեր տեղահանվեցին իրենց հողերից, կոտորվեցին»:
«Պետք է հիշել նաև ոչ մուսուլմանների համար սահմանված հատուկ հարկը, որը սկսվեց կիրառվել 1942 թվականից, պետք է հիշել 1955 թվականի սեպտեմբերը, երբ Ստամբուլում թալանում ու սպանում էին հայերին ու հույներին»,-նշում է թուրք վերլուծաբանն իր հոդվածում:
Վերջինս նաև շեշտում է, որ հասարակության լայն շերտերն այնքան էլ տեղյակ չեն այս ամենից, ուստի պետք է այդ ուղղությամբ նույնպես աշխատանքներ տանել:
HayNews.am
Leave a Reply