Օրդուում գտնվող 5 պատմական եկեղեցիներ, որոնք մինչև 19-րդ դարի սկիզբը շրջանի հայ ու հույն բնակչության կողմից օգտագործվել են որպես պաշտամունքի վայրեր, վերածվել են մշակույթի կենտրոնի: Օրդուում եկեղեցիները մշակութային կենտրոնի վերածելու առաջին փորձը կատարվել էր դեռևս 1994 թ.` Օրդուի քաղաքապետարանի կողմից:
Դյուզ թաղամասում գտնվող և որպես հրշեջ խմբի հիմնարկ օգտագործվող հայկական պատմական եկեղեցին վերականգնվելուց հետո վերածվել է «Մշակույթի և արվեստի կենտրոնի»: Անմիջապես հետո Թաշբաշը թաղամասում գտնվող և 1937-1977 թթ. որպես կալանատուն օգտագործված հունական պատմական եկեղեցին ևս 2000 թ. վերականգնվելով դարձել է «Մշակութային կենտրոն»: Դարձյալ նույն ժամանակաշրջանում Փերշեմբե գավառում գտնվող Յասոն պատմական եկեղեցին վերանորոգվելուց հետո ստացել է «Մշակույթի և զբոսաշրջության կենտրոնի» կարգավիճակ:
Ի վերջո, Մշակույթի և զբոսաշրջության նախարարության աջակցությամբ Օրդուի նահանգային հատուկ վարչության կողմից 2010 թ. մայիսին վերականգնվել սկսված Մեսուդիյեում գտնվող հին եկեղեցու շենքը բացվել է որպես «Մեսուդիյեի մշակույթի կենտրոն»: Այդ ընթացքում Ունյե գավառում գտնվող Յալը եկեղեցին ևս Ունյեի քաղաքապետարանի խորհրդի կողմից 10 տարով հատկացվել է Մշակույթի և զբոսաշրջության նախարարությանը:
Ունյեի Յալը եկեղեցին, որի նախագիծը հանձնվել է Տրապիզոնի հուշարձանների շրջանային տնօրինությանը, դառնալու է ցուցահանդեսների, քննարկումների և կոնֆերանսների գործառնույթներ իրականացնող «Մշակույթի կենտրոն»:
http://www.haberx.com/orduda_5_kilise_kultur_merkezi_oldu(17,n,10773168,886).aspx
Leave a Reply