Անկարայի հատուկ իրավասություններով դատախազի տեղակալի կողմից «Էրգենեկոն 3» գործում ներառած S1 պլանի հետ կապված հարցաքննվել է Թուրքիայի հատուկ նշանակության զորքերի նախկին փոխհրամանատար Իբրահիմ Շահինը։
Թուրքական CNNturk-ի փոխանցմամբ՝ հարցաքննության պատճառն այն է, որ S1 պլանը նման է 1993-1996 թվականներին իրականացված սպանություններին։ Իբրահիմ Շահինը պնդել է, թե «Էրգենեկոն»-ի գործով դատավարության ընթացքում ինքը նշել է, թե իր սխալն այն է եղել, որ երբ իրեն հեռախոսով հրահանգներ են տվել, ինքը չի հարցրել, թե ովքեր են նրանք, եւ ընկել է ծուղակը։
Իբրահիմ Շահինի տան խուզարկության ընթացքում հայտնաբերվել է S1 ծածկանունով պլան, որի մեջ նշվել են ստեղծվելիք 300 հոգանոց հատուկ ուժերի անդամների անուններն ու զոհերի անունները, որոնց մեջ է եղել նաեւ Պոլսո Հայոց պատրիարք Մեսրոպ Մութաֆյանի անունը։
Հիշեցնենք, որ «Էրգենեկոն»-ը ենթադրյալ ահաբեկչական գաղտնի կառույց է, որի նպատակներից է եղել Թուրքիայում քաոս ստեղծելու միջոցով հեղաշրջում իրականացնել: «Էրգենեկոնի» ծրագրերի մեջ է եղել Պոլսո Հայոց պատրիարքի, Սեբաստիայի հայ համայնքի ղեկավարի սպանությունները կազմակերպելը:
14.10.2011
Leave a Reply