Արձանագրությունները կրկին կարող են օրակարգ մտնել. թուրք նախարար

Թուրքիայի Եվրամիության հարցերով նախարար Եգեմեն Բաղըշի խոսքերով` 2009-ին Ցյուրիխում ստորագրված հայ-թուրքական արձանագրությունները կարող են հայտնվել իրենց խորհրդարանի օրակարգում:
Պատասխանելով ադրբեջանական APA գործակալության թղթակցի հարցին` ինչ է լինելու այդ արձանագրությունների ճակատագիրը, թուրք նախարարն ասել է. «Արձանագրությունները ոչ մի տեղ չեն կորել: Նրանք այնտեղ են, որտեղ եղել են»:
Բաղըշը հայ-թուրքական հարաբերությունների կարգավորման մասին խոսելիս նշել է. «Հայաստանի և Ադրբեջանի միջև խաղաղություն հաստատելու ուղղությամբ աշխատում է Մինսկի խումբը: Եթե Թուրքիան այս հարցում առաջընթաց տեսնի, անհրաժեշտ քայլեր կձեռնարկի»:

13.10.2011

HayNews.am