Պատասխանելով Indiplomacy.ir կայքէջի հարցին, Հայաստանում Իրանի նախկին դեսպան, Իրանի արտգործնախարարությունում Կովկասի հարցերի պատասխանատու Մոհամմադ Ֆարհադ Քոլեյնին մեկնաբանել է Ֆրանսիայի նախագահ Նիկոլա Սարկոզիի Հայաստան այցը եւ հատկապես Հայոց ցեղասպանության վերաբերյալ նրա հայտարարությունները: «Թուրքիան անհանգստացած է,- ասել է նա:- Եթե նա ճանաչի Հայոց ցեղասպանությունը, նոր պահանջների գործընթաց է սկսվելու: Հայոց ցեղասպանությունը Թուրքիայի գլխին կախված Դամոկլյան սուր է»:
Իրանցի դիվանագետի կարծիքով պաշտոնապես Հայոց ցեղասպանությունը ճանաչելու պարագայում Թուրքիան վախենում է հայերի տարածքային պահանջներից: Դա Հայոց ցեղասպանության գործընթացը տեղափոխելու է նոր հարթակ:
Նախկին դեսպանի համաձայն, ինչպես հաղորդում է անգլիական «Թայմսը», եվրոպական երկրները եւ հատկապես Ֆրանսիան Հայոց ցեղասպանության հարցը պահում են իբրեւ Թուրքիային ճնշելու միջոց:
12-10-2011
«ԱԶԳ» ՕՐԱԹԵՐԹ #181
Leave a Reply