Մի հայ կին վայրագորեն ծեծվել է

Երեկ Զինջիրլիքույուի (թաղամաս Ստամբուլում-Ակունքի խմբ.) գերեզմանատան մոտակայքում մի կին, միմիայն հայ լինելու պատճառով, դաժան ծեծի է ենթարկվել մի տաքսու մի վարորդի կողմից: Այս դեպքը ակնհայտ կերպով ատելության հանցանք է, որը ցույց է տալիս ցեղապաշտության տարածված լինելը Թուրքիայում, և թե ինչերի կարող է այն հանգեցնել: Կառավարությունը պետք է այս հարցում շտապ գործողությունների ծրագիր մշակի և հնարավորինս արագ քայլեր ձեռնարկի` ատելությունից բխած հանցագործություններն օրենքով պատժելու հարցում:

Մենք հետամուտ ենք լինելու, որ այս դեպքը դատապարտվի:

Անվտանգության տնօրինությանը և դատախազությանն անմիջապես գործի անցնելու կոչ ենք անում:

Ստորև ներկայացնում ենք տուժածի ընտանիքից ստացված գրությունը, տուժած, որի անունը չենք կարող հրապարակել, և կոչ անում լուռ չմնալ այս բազմաբնույթ խտրականության դեպքի առնչությամբ, բազմաբնույթ, քանի որ այս խտրականությունը դրսևորվել է թե էթնիկ ծագման, թե կրոնական հայացնքերի և թե կնոջ դեմ:

Ամենուր ասա` վե’րջ խտրականությանը:

Քանզի խտրականությունն ամենուր է:

«Երեկ ժամը 14:30-ին Զինջիրլիքույու գերեզմանատան մոտակայքում քույրս ծեծի է ենթարկվել տաքսու վարորդի կողմից, որը նրան ծեծելուց հետո դուրս է նետել մեքենայի միջից` մազերից քաշելով… Քրոջս մեղքը քրիստոնյա լինելն էր… Տաքսու վարորդը սկզբում քրոջս հարցրել է. «Առոգանությամբ ես խոսում… հրեա՞ ես, թե՞ հայ»: Քույրս հանգիստ պատասխանել է. «Հայ եմ»: Տաքսիստն սկսել է հայհոյել մեր կրոնը, Սուրբ Գիրքը… Քույրս փորձել է թեման փոխել, բայց տաքսիստը համառորեն շարունակել է… Ի վերջո ասել է. «Դու անհավատ ես… Դուք բոլորդ դժոխքի բաժին եք դառնալու»: Երբ քույրս ասել է, թե «Դու չես կարող ինձ անհավատ անվանել…», տաքսիստը շրջվել է և սկսել բռնցքահարել քրոջս… Պատռել է հոնքը և արյունլվա վիճակում մազերից բռնելով` շպրտել դեպի պողոտա…»:

http://www.durde.org/2011/10/ermeni-bir-kadin-hayvanca-dovuldu/