Թուրքիայի Մարդինի Արթուքլու համալսարանում կազմակերպված միջազգային գիտաժողովի ընթացքում ելույթ է ունեցել Թուրքիայի խորհրդարանի միակ քրդական «Խաղաղություն եւ ժողովրդավարություն» կուսակցության պատգամավոր Ալթան Թանը, ով անդրադարձել է դարասկզբին իրականացված Հայոց ցեղասպանությանը:
Թուրքական Radikal-ի փոխանցմամբ՝ քուրդ պատգամավորը, անդրադառնալով Մարդինում ապրած հայերին, նշել է, թե ինքը որպես քաղաքական գործիչ 1915-ին հայերի դեմ իրականացվածը բնութագրում է որպես ցեղասպանություն: Ալթանն Թանը շեշտել է, թե կան պատճառաբանություններ, թե տեղահանման ժամանակ ճանապարհին մի մասը մահացել է հիվանդություններից, մի մասին սպանել են ավազակները եւ այլն: «Հիմա ես որպես խիղճ ունեցող մարդ եմ խոսում: Թե ինչ պայմաններում կոտորվեցին այդ մարդիկ, կարեւոր չէ: Հետեւանքն այն է, որ հայ ժողովուրդը ոչնչացվեց:
Դրա ապացույցը նաեւ այսօր մեր աշխարհագրական տարածքի ժողովրդագրությունն է: Այն ժամանակ 13 մլն բնակչություն ունեցող երկրի 1,2 մլն-ը հայեր էին: Այսինքն՝ հայերը կազմում էին բնակչության 10 տոկոսը: Հիմա բնակչության թիվը 75 մլն է, իսկ հայերն ընդամենը 40 հազար են: Հետեւանքը սա է»,-ասել Ալթան Թանը:
Հոկտեմբեր 09, 2011
Leave a Reply