Քրդերն ու թուրքերը շարունակում են պայքարը նաև լեռներում

Թուրքիայի Զինված ուժերը լեռներում հայտնաբերել են «Քրդստանի աշխատավորական կուսակցության» (PKK) հենակետներից մեկը, որում գտել են երկու մարդու դի և զենք ու զինամթերք, փոխանցում է «Դողան» գործակալությունը:

Հաքքարի նահանգում գտնվող Քաթո լեռան վրա իրականացված գործողություններից հետո թուրքական բանակն առգրավել է քուրդ ապստամբներին պատկանող զինվորական հանդերձանք, զենքեր և զինամթերք: Միևնույն ժամանակ հայտնաբերվել է PKK-ի անդամների երկու դի:

Գործողությունը, որի արդյունքում էլ սպանվել են քուրդ ապստամբները, ստացել է Յավուզ Բաշայարո անունը: Բաշայարոն օրերս PKK-ի կողմից սպանված 9 թուրք ժանդարմներից մեկն էր:
10.10.2011

HayNews.am