Քրդերն ակտիվանում են նաև Ստամբուլում. պայթունավտանգ վիճակ

Քրդերը, ովքեր վերջին շրջանում խիստ ակտիվացել են Թուրքիայի արևելքում, իրենց գործողությունները տեղափոխում են նաև երկրի խոշորագույն քաղաքը հանդիսացող Ստամբուլ:

Թուրքական «Միլիյեթի» փոխանցմամբ, «Քրդստանի աշխատավորական կուսակցության» (PKK) կողմնակիցները «մոլոտովյան կոկտեյլներով» հարձակումներ են գործել Ստամբուլում գտնվող ոստիկանատների վրա:

Հարձակումներ են իրականացվել նաև բանկոմատների, մեքենաների, շինությունների վրա:
Այս գործողությունների արդյունքում բավական մեծ վնաս է հասցվել:

Քրդերը չեն բավարարվել մոլոտովյան կոկտեյլներով և պայթեցրել են նաև ձայնային ռումբեր:

07.10.2011

HayNews.am