Թուրքիայի ԱԳ նախարարը Kanal D հեռուստաընկերությանում մասնակցել է հայտնի լրագրող Մեհմետ Ալի Բիրանդի հեղինակային հաղորդմանը և սենսացիոն հայտարարություն կատարել: Դավութօղլուն ասել է, որ Սիրիայի կողմից Թուրքիային սպառնացող որևէ վտանգի դեպքում Թուրքիան պատրաստ է պատերազմի: Նրա խոսքով Թուրքիան ոչ միայն պատրաստ է պատերազմի, այլև պատրաստվել է տարածաշրջանում բոլոր սցենարային զարգացումներին: Սակայն հարց է առաջանում, թե Թուրքիայի պատերազմից պատրաստ լինելու հայտարարությունն ում է ուղղված: Դժվար թե Դավութօղլուն նպատակ ուներ այդ մասին տեղեկացնել հեռուստադիտողներին:
Հիշեցնենք, որ մի քանի օր առաջ Սիրիայի նախագահ Բաշար Ասադն էր հայտարարել, որ Սիրիան պատրաստ է պատերազմի: Հետևաբար Դավութօղլու այս հայտարարությունը նախատեսված էր նաև Սիրիայի նախագահի համար, միաժամանակ արևմտյան դաշնակիցներին հիշեցնելով, որ Թուրքիան պատրաստ է ներխուժել Սիրիա: Մի՞թե Մերձավոր Արևելքը կվերածվի Երրորդ համաշխարհային պատերազմի թատերաբեմի, որտեղ Թուրքիան կրկին կարող է պարտություն կրել և մասերի բաժանվել:
Armweeklynews.am 07.10.11
Leave a Reply