Հայկական ծագմամբ Թուրքիայի քաղաքացի Սևակ Շահին Բալըքչըն Բաթմանում ծառայելիս սպանվել էր իր ընկերոջ` Քըվանչ Աղաօղլուի արձակած գնդակից: Սևակի սպանության գործի քննությունը շարունակվելու է այսօր Դիարբեքիրի 2-րդ օդային ուժերի հրամանատարությունում: Դատական նիստում որպես վկա ունկնդրության է արժանացվելու ենթասպա Աբդուլլահ Ըրմաքը: Բալըքչըի ընտանեկան փաստաբան Ջեմ Հալավուրթը նշեց. «Պետք է հաշվի առնել նաև Ըրմաքի ինքնությունը: Մենք ճշտել ենք, որ նա մի ազգայնական կուսակցության համակիրներից է: Ես իրեն հարցնելու եմ, թե ինչու՞ է Սևակին կանչել փշալարեր քաշելու, այն դեպքում, երբ նա պետք է հերթապահեր, և թե ինչու՞ նրա գլխին չի կանգնել»:
Հիշեցնենք, որ Սևակի սպանության գործի քննության առաջին նիստում մեղադրյալ Քըվանչ Աղաօղլուին ազատ արձակելու որոշում էր կայացվել:
Բիլգե Էսեր
07.10.2011
Սաբահ
Leave a Reply