Հրավեր. «Հատիկ»-ը բացվում է

Մեր սիրելի ընկերներ և բարեկամներ,

Բոլոր մշակույթները, լեզուներն ու հավատքները մարդկության պատմության համընդհանուր արժեքներն են: Մշակույթը, լեզուն, հավատքը, ավանդույթներն ու սովորույթները և պատկանելիությունը անհատի ինքնության էական տարրերն են, որոնք ծագում են այն հասարակությունից, որում ծնվել է տվյալ անհատը: Պատմական, սոցիալական, տնտեսական և քաղաքական պատճառներով պատմության ընթացքում անհամար լեզուներ ու մշակույթներ են ոչնչացվել, մեր օրերում ևս տասնյակ լեզուներ և մշակույթներ վերացման վտանգի տակ են գտնվում: Նման վտանգի ենթակա լեզուներից և մշակույթներից մեկն է նաև համշեներենը, ինչպես նաև` համշենական մշակույթը: Դա քանիցս փաստվել է ՄԱԿ-ի զեկույցներում: Աշխարհի երեսին բոլոր լեզուների, մշակույթների և հավատքների գոյատևման, ինչպես նաև` զարգացման ու պահպանման իրավունքները` առանց մյուսների գոյության իրավունքը խախտելու, մարդու հիմնարար իրավունքներից են:

Վերոնշյալ հիմնական տեսակետներից ելնելով`

համշենական մշակույթի, լեզվի և պատմության թեմաներով միջոցառումներ կազմակերպելու,

անդամների շրջանում սոցիալական, մշակութային և տնտեսական համերաշխությունը զարգացնելու,

մշակույթի անքակտելի մասնիկները հանդիսացող բնությունն ու շրջակայքը պահպանելու

նպատակով մի միություն («Հատիկ» անունով) ստեղծելուն ուղղված մեր ջանքերը հանգեցրել են կոնկրետ արդյունքի, քանի որ հիմնվել է Համշենական մշակույթի ուսումնասիրման ու պահպանման միությունը:

2011 թ. հոկտեմբերի 9-ին` կիրակի օրը, տեղի կունենա մեր միության բացումը: Հրավիրում ենք ձեզ` մեր սիրելի բարեկամներին և ընկերներին, մեզ հետ ներկա գտնվելու միության բացման արարողությանը:

Սիրով`

«ՀԱՏԻԿ»

ՀԱՏԻԿ-ՀԱՄՇԵՆԱԿԱՆ ՄՇԱԿՈՒՅԹԻ ՈՒՍՈՒՄՆԱՍԻՐՄԱՆ ՈՒ ՊԱՀՊԱՆՄԱՆ ՄԻՈՒԹՅՈՒՆ

ԱՄՍԱԹԻՎ` 9-ը հոկտեմբերի, 2011, կիրակի

ԺԱՄ` 14:00

ՀԱՍՑԵ` Ստամբուլ, Բեյօղլուի շրջան, Քոջաթեփե թաղամաս, Թաքսիմի պողոտա, թիվ 37/7

ՀԵՌԱԽՈՍ` 0212 2371008

04.10.2011

Akunq.net