Փոքրամասնությունների վաքըֆների վերադարձի համար դիմումների գործընթացը մեկնարկել է: Վաքըֆները դիմումից ամենաուշը 60 օր հետո կստանան իրենց գույքերը: Համայնքային վաքըֆների` 75 տարի առաջ բռնազավթված կամ պետական գանձարանի անունով գրանցված գույքերը իրական տերերին վերադարձվելու մասին կարգադրությունը հրապարակվել է Թուրքիայի պաշտոնաթերթ «Ռեսմի գազեթե»-ում: Վարչապետ Ռեջեփ Թայիփ Էրդողանի հրահանգով օգոստոս ամսին հրապարկված որոշման շնորհիվ հնարավորություն էր ընձեռվել վերադարձնելու այն բոլոր գույքային հարստությունները` գերեզմանոցներն ու աղբյուրներն էլ ներառյալ, որոնք թեև պատկանել էին փոքրամասնությունների վաքըֆներին, սակայն գրանցվել էին հասարակության անունով:
Վաքըֆերի մասին օրենքը որպես հիմք ընդունելով` հրապարակված կարգադրության շնորհիվ սահմանվեցին նաև այն մեթոդներն ու հիմքերը, որոնք վերաբերում էին վաքըֆների` հասարակության անունով գրանցված անշարժ գույքերի, գերեզմանոցների և աղբյուրների վերագրանցման, ինչպես նաև` երրորդ անձանց անվամբ գրանցված անշարժ գույքերի արժեքի վճարման հարցերին: Դրանց համաձայն` դիմելու դեպքում համայնքային վաքըֆները հետևյալ ուղով պետք է գնան. կատարվելու է համայնքային վաքըֆներին պատկանած և 1936 թ. հռչակագրում գրանցված լինելու պայմանով` ապասեփականացված, վաճառված և փոխանակված լինելուց բացի այլ պատճառներով պետական գանձարանի, Վաքըֆների գլխավոր տնօրինության, քաղաքապետարանի և նահանգային հատուկ վարչության անվամբ գրանցված անշարժ գույքերի և հասարակական հաստատությունների անունով գրանցված ու ներկայում էլ այդ կերպ համարվող գերեզմանոցների և աղբյուրների գրանցումը: Վաքըֆները կալվածագրի բոլոր գրանցումների, այդ թվում` գրանցման համար Վաքըֆային վարչական խորհրդի փաստարկված որոշման, 1936 թ. հռչակագրի, որում հիշատակվում է տվյալ անշարժ գույքը, անշարժ գույքի կալվածագրման մասին արձանագրության կամ կադաստրի որոշման փաստաթղթերով հանդերձ դիմելու են Վաքըֆների շրջանային տնօրինությանը: Պահանջները բավարարվելու են 60 օրվա ընթացքում: Վաքըֆներն անշարժ գույքերի համար կարող են դիմել 12 ամսվա մեջ:
Գինը վճարվելու է
Համայնքային վաքըֆների կողմից գնված կամ համայնքային վաքըֆներին որպես ժառանգություն թողնված կամ որպես նվիրատվություն տրված, սակայն տեր լինել չկարողանալու փաստարկով պետական գանձարանի կամ Վաքըֆների գլխավոր տնօրինության անունով կալվածագրում գրանցված անշարժ գույքերի մեջ նրանց համար, որոնք գրանցվել են երրորդ անձանց անվամբ, վճարվելու է դրանց գինը: Վաքըֆները, շուկայական գնի վճարման համար անհրաժեշտ ձևաթուղթը (բլանկ) լրացնելով, դիմելու են Վաքըֆների շրջանային տնօրինությանը` ներկայացնելով հետևյալ փաստաթղթերը` Վաքըֆային վարչական խորհրդի փաստարկված որոշումը, գնման վերաբերյալ փաստաթուղթը, եթե տվյալ անշարժ գույքը ձեռք է բերվել նման ճանապարհով, ժառանգության մասին փաստաթուղթը, եթե անշարժ գույքը հասել է ժառանգության միջոցով:
Շուկայական գնի հաստատման գործողությունները պետք է ավարտին հասցվեն 30 օրվա ընթացքում: 15 օրվա մեջ հաղորդված գինը կարելի է առարկել 15 օրվա ընթացքում: Առարկությունների կապակցությամբ որոշում է կայացվելու 45 օրվա ընթացքում` զեկույցի միջոցով: Դիմումի ամսաթվից սկսած` 60 օրվա ընթացքում գինը վճարվելու է վաքըֆին:
«Սաբահ» օրաթերթ
Leave a Reply