Թուրքիայի փոքրամասնությունների անշարժ գույքերի վերադարձման մասին որոշումը

Սնունդի, գյուղատնտեսության և անասնապահության նախարարության կազմակերպության և պարտականությունների մասին օրենքի ուժ ունեցող որոշման, որոշ օրենքների և օրենքի ուժ ունեցող որոշումների մեջ փոփոխություն կատարելու վերաբերյալ օրենքի ուժ ունեցող որոշում

Որոշման թիվը` KHK/651

ՀՈԴՎԱԾ 14 20/2/2008 թ. Վաքըֆների մասին թիվ 5737 օրենքի 35-րդ հոդվածի 2-րդ բաժնում տեղ գտած «պետնախարար» արտահայտությունը փոխվել է «փոխվարչապետ» արտահայտությամբ:

ՀՈԴՎԱԾ 15- Թիվ 5737 օրենքի 52-րդ հոդվածի առաջին բաժնին (գ) հոդվածից անմիջապես հետո ավելացվել է ներքոհիշյալ հոդվածը, մյուս հոդվածները փոխկապակցված են համաձայն սրա:

«ե) Գլխավոր տնօրինության կողմից սահմանված կանոնադրությամբ մեթոդներն ու սկզբունքները սահմանելուց հետո բարձրագույն կրթություն ստացող կարիքավոր ուսանողներին կրթաթոշակ տրամադրել՝ առանց ենթարկվելու 3/3/2004 թ. Բարձրագույն կրթություն ստացող ուսանողներին կրթաթոշակի կրեդիտ տալու վերաբերյալ թիվ 5102 օրենքի դրույթներին»:

ՀՈԴՎԱԾ 16- Թիվ 5737 օրենքի 68-րդ հոդվածի առաջին բաժնում «Առաջին իրավաբանական խորհրդատու» արտահայտությունից հետո ավելացվել է «Ուղեկցության և տեսչական ստուգման պետ» արտահայտությունը. նույն բաժնում տեղ գտած «պետնախարար» արտահայտությունը փոխարինվել է «փոխվարչապետ» արտահայտությամբ:

ՀՈԴՎԱԾ 17-Թիվ 5737 օրենքին ավելացվել է հետևյալ ժամանակավոր հոդվածը.

«Ժամանակավոր հոդված 11- Համայնքային վաքըֆների

ա) 1936 թ. կանոնագրում գրանցված անշարժ գույքերի, որոնց կալվածքները բաց են,

բ) 1936 թ. կանոնագրում գրանցված պետականացումից, վաճառքից և փոխանակումից բացի՝ այլ պատճառներով գանձարանի, Վաքըֆների գլխավոր տնօրինության, քաղաքապետարանի և նահանգային հատուկ վարչության անունով գրանցված անշարժ գույքերի,

գ) 1936 թ. կանոնագրում գրանցված հասարակական միությունների անունով գրանցված գերեզմանոցների ու աղբյուրների,

գնման կայքագրի /թափու/ գրանցման իրավունքի և պարտականության հետ մեկտեղ այս հոդվածն ուժի մեջ մտնելու պահից սկսած 12 ամսվա ընթացքում դիմումի դեպքում խորհրդարանի դրական որոշումը ստանալուց հետո կադաստրի տնօրինությունը շահագրգիռ գնման կայքագիրը կգրանցի համայնքային վաքըֆի անունով:

Համայնքային վաքըֆերի կողմից գնված, համայնքային վաքըֆներին կտակված կամ էլ նվիրատվության դեպքում սեփականություն ձեռք բերել չկարողանալու հիմնավորմամբ Գանձարանի կամ էլ Վաքըֆների գլխավոր տնօրինության անունով գնման կայքագրի մեջ երրորդ անձանց անունով գրանցված անշարժ գույքերի` Ֆինանսների նախարարության կողմից հաստատված շուկայական գինը վճարելու է գանձարանը կամ էլ Գլխավոր տնօրինությունը:

Այս հոդվածի կիրառման վերաբերյալ մեթոդներն ու սկզբունքները կարգավորվում են կանոնադրությամբ»:

ՀՈԴՎԱԾ 40- Այս օրենքի՝ ուժ ունեցող որոշումը գործում է հրապարակման պահից սկսած:

ՀՈԴՎԱԾ 41-Այս օրենքի՝ ուժ ունեցող որոշման դրույթներն իրականցնում է Նախարարների խորհուրդը:

Աբդուլլահ Գյուլ

նախագահ

Ռեջեփ Թայյիփ Էրդողան

վարչապետ

«Resmi Gazete» պաշտոնաթերթ, թիվ 28038

27.08.2011

Թարգմանությունը՝ «Ակունքի»