Թուրքիայի որոշումն ընդամենը ծուխ է, որով քողարկվելու են անմարդկային գործողությունների հետեւանքները

Թուրքիայի՝ կալվածքների վերադարձման մասին որոշման առնչությամբ հայտարարությամբ է հանդես եկել ՀՅԴ Ամերիկայի Հայ Դատի հանձնախմբի ատենապետ Քեն Հաչիկյանը:

“Հայերի, հույների ու ասորիների նկատմամբ 96 տարի առաջ իրականացված ցեղասպանությունից հետո այս որոշումն ընդամենը ծուխ է, որով քողարկվելու է այդ շրջանում իրականացված անմարդկային գործողությունների ավելի լուրջ հետեւանքները”,- ասել է նա։

Հաչիկյանն ընդգծել է, որ ՀՅԴ Ամերիկայի Հայ Դատի հանձնախումբն ընդլայնելու է իր գործունեությունը Կոնգրեսում, որպեսզի վերջապես հասնի նրան, որ Թուրքիան առերեսվի իր հանցավոր անցյալի հետ, հարգի փրկված քրիստոնյա համայնքների կրոնական ազատությունը եւ վերադարձնի նախկինում խլածը: 

http://yerkirmedia.am/?act=news&lan=hy&id=2336