Դավութօղլուն գնահատականներ է տվել փոքրամասնությունների անշարժ գույքերի վերադարձման մասին որոշման կապակցությամբ

Արտաքին գործերի նախարար Դավութօղլուն փոքրամասնությունների վաքըֆներին վերաբերող որոշումը որակել է որպես պատմական քայլ:

Կոսովո եռօրյա այցի վերջին օրը նախարար Դավութօղլուն գնահատականներ է տվել փոքրամասնությունների անշարժ գույքերի վերադարձի մասին որոշման կապակցությամբ: Դավութօղլուն մասնավորապես ասել է. «Դա, ըստ էության, իրոք պատմական քայլ է: Այսօր թերթերն էլ եմ աչքի անցկացրել: Այս քայլը որակվում է որպես փոքրամասնություններին ուղղված ժեստ: Սակայն այն, մեր տեսանկյունից, իրավունքների վերադարձն է` հավասար իրավունքների տեր մեր քաղաքացիներին: Այդ իմաստով Թուրքիան ցույց է տալիս, թե որքան լուրջ առաջընթաց է գրանցել թե’ միջազգային իրավունքի և թե’ մեր քաղաքացիների իրավունքի առումներով:

Մենք այս բոլոր քայլերը գնահատում ենք որպես Թուրքիայի` բոլոր քաղաքացիների հետ ունեցած կապի կամ մեր քաղաքացիների` Թուրքիայի Հանրապետության հետ ունեցած կապի բնական արդյունք: Եվ հուսով ենք, որ այս նշանակալի քայլերը օրինակ կծառայեն նաև այլ երկրների համար: Այս քայլը կարող է գեղեցիկ օրինակ դառնալ հատկապես Բալկանների և մասնավորապես Հունաստանի համար, որոնց Օսմանյան Կայսրությունից փոխանցված մեր վաքֆային գույքերը պետք է վերադարձվեն թյուրքական ցեղերից ծագող մեր քաղաքացիներին: Սակայն մենք այդ քայլը ձեռնարկել ենք ոչ թե փոխադարձության հիմքով, այլ, ինչպես նշեցի, որպես մեր քաղաքացիների բնական իրավունքի մի մասնիկ: Դա մի աշխատանք էր, որը բավականին երկար տևեց: Այն որոշակիություն ձեռք բերեց մեր վարչապետի` երեկ արած հայտարարության շնորհիվ: Այսուհետ էլ ամեն տեսակի ջանքեր ենք գործադրելու` մարդու իրավունքների պաշտպանության ուղղությամբ»:

http://www.haber01.com/davutoglu-azinlik-gayrimenkullerinin-iadesi-kararini-degerlendirdi-h33810.html