Քիմիական զենքի կիրառման մեղադրանք Թուրքիային փաստերով

Դիարբաքրի Մարդու իրավունքների պաշտպանության գրասենյակը (İHD) հրապարակվել է քուրդ ապստամբների դեմ  Թուրքիայի կողմից քիմական զենքի կիրառումով սպանությունների փաստերը:

Գրասենյակի ներկայացուցիչ Սերդար Չելեբին Օգոստոսի 26-ին կայացած մամլո  ասուլիսի ժամանակ տեղեկացրել է, որ 1994թ-ից այս կողմ գրանցվել է քիմիական զենքով զինյալ մարդկանց սպանելու  39 դեպք, որոնց արդյունքում կյանքից զրկվել են 437 զինյալներ, հաղորդում է Եփրատ գործակալությունը:  Գրանցվել են բիոլոգիական զենքի կիրառման երկու դեպք: Իրավապաշտպան գրասենյակը թվարկել է նաև Թուրքիայի զինվորականների կողմից քիմիական զենքի կիրառման մի քանի հայտնի դեպքեր.

Շրնակի Սիլոպի շրջանի Բալլըկայա գյուղի շրջակայքում 199թ-ի մայիսի 11-ին զոհված 20 զինյալների  գտնված վայրից վերցված օրինակն ուղղարկվել է Գերմանիա, որտեղ հաստատել են , որ մահվան պատճառը քիմիական մահացու գազ է:

Հաքքարիի Չուքուրջա շրջանում 2009թ-ի սեպտեմբերին զինված հակամարտության արդյունքում զոհված 8 քուրդ զինյալների մեջ Բեդրան Կաըա անունով զինյալի մահը վրա է հասել մահացու գազի կիրառման արդյունքում, քանի որ նրա դիակի վրա չեն հայտնաբերվել  արձակված գնդակի հետքեր: Իրավապաշտպան այլ կազմակերպությունների աջակցությամբ  կատարված ուսումնասիրությունների հիման վրա Գերմանիայի Համբուրգի համալսարանի մասնագետները  նկատել են, որ մեծ է հավանականությունը, որ մահը վրա է հասել մահացու գազի կիրառման արդյունքում:   

Դեսիմի Չեմիշգեզեկ շրջանում 1997թ-ի ապրիլի 11-ին զոհված 21 քուրդ զինյալների դիակները մինչ օրս ընտանիքներին չեն հանձնվում, չնայած, որ դատախազությունը տեղեկացված է զոհվածների կեղծանունների և  ծննդավայրերի վերաբերյալ: Հարզատները կարծում են , որ 14 տարի դիակների չհանձնման փաստը կապված է քրմիական զենքի կիրառման հետ:

Armweeklynews.am 27.08.11