Պատրաստ է Ահմեդ Շըքի և Նեդիմ Շեների մեղադրական եզրակացությունը

Մեղադրական եզրակացության մեջ Ահմեդ Շըքն ու Նեդիմ Շեները մեղադրվում են Էրգենեքոն կազմակերպությանն աջակցելու մեջ:

Ավարտվել է Էրգենեկոնի դատավարության շրջանակներում 14 կասկածյալներից 12 ձերբակալվածի, որոնց թվում են նաև՝  լրագրողներ Նեդիմ Շեների ու Ահմեդ Շըքի գործով հետաքննությունը: Մեղադրական եզրակացության մեջ պահանջվում է «զինված կազմակերպությանն օգնելու» մեղադրանքով 15 տարով ազտազրկել Շեներին ու Շըքին:

Ստամբուլի հանրապետական դատախազ Ջիհամ Քանսզի պատրաստած 134 էջանոց մեղադրական եզրակացությունը արժանացել է գլխավոր դատախազի տեղակալի հավանությանը: Մեղադրական եզրակացությունն ուղարկվել է Ստամբուլի նորաբաց Ծանր հանցագործություններ քննող 16-րդ դատարան: «Odatv»-ի մեղադրական եզրակացությունը առաջինն էր, որն ուղարկվել էր Չաղլյանի արդարադատության պալատի Ստամբուլի նորաբաց Ծանր հանցագործություններ քննող 16-րդ դատարան: Դատարանը 15 օրվա ընթացքում կհայտնի մեղադրական եզրակացությունն ընդունելու կամ մերժելու վերաբերյալ կայացրած որոշումը:

Մեղադրական եզրակացության մեջ ձերբակալված կասկածյալներ Յալչըն Քյուչյուքը, Սոներ Յալչընը, Ահմեդ Շըքը, Հանեֆի Ավջըն, Նեդիմ Շեները, Բարըշ Թերքօղլուն, Բարըշ Փեհլիվան, Դողան Յուրդակուլը, Մյուսսեր Ուղուրը, Ջոշքուն Մուսլուքը, Սաիդ Չաքըրը և Քեշիֆ Քոզինօղլուն և ազտության մեջ գտնվող կասկածյալներ Ահմեդ Մյութմազ Իդիլն ու Իքլիմ Այֆեր Քալելին մեղադրվում են «զինված ահաբեկչական կազմակերպություն հիմնելու, ղեկավարելու և անդամակցելու, ահաբեկչական կազմակերպությանն աջակեցելու, մարդկանց բացահայտ թշնամանքի ու վրեժխնդրության հրահրելու, պետության անվտանգության վերաբերյալ փաստափղթեր մատակարարելու, անձնական կյանք ներխուժելու, անձնական տվյալներ գրանցելու, արդար հետաքննության վրա ազդել ջանալու մեջ»:

Մեղադրական եզրակացության մեջ «ահաբեկչական կազմակերպությանն աջակցելու» մեղադրանքով կասկածյալ լրագրողներ Ահմեդ Շըքի ու Նեդիմ Շեներըի համար պահանջում են 7.5-15 տարվա ազտազրկում: Իսկ Յալչըն Քյուչյուքը մեղադրվում է կազմակերպությունը ղեկավարելու մեջ: Հետաքննության արդյունքում դատական գործ հարուցելու անհրաժեշտության բացակայության պարագայում որոշվել է 9 հոգու վրայից հանել հետապնդումը:

Սելահեդդին Գյունդայ

«Ռադիկալ», 26.08.2011

http://www.radikal.com.tr/Radikal.aspx?aType=RadikalDetayV3&ArticleID=1061492&Date=27.08.2011&CategoryID=77