Դեսպանի կնոջ անցյալ կապերը նորից քննվում են Թուրքիայում: Թուրքիայում “էրգենեկոնի” հետաքննության շրջանակներում լրագրողների ձերբակալությունից հետո հանկարծ հիշել են 2006թ-ի դեպքերը և կրկին ուշադրության կենտրոնում է հայտնվել Ադրբեջանում ԱՄՆ-ի դեսպան Մեթյու Բրայզայի տիկին Զեյնո Բարանը: Բանն այն է, որ 2006 թ-ի դեկտեմբերին հեղինակավոր ամերիկյան Newsweek ամսագրում Զեյնո Բարանը տպագրել էր հոդված “The Coming Coup d’Etat?” վերնագրով: Բարանն այդ հոդվածում պնդել էր , որ 2007թ-ին պլանավորվում է նոր զինվորական հեղաշրջում Թուրքիայում: Նա հայտարարել էր , որ հեղաշրջման հնարավորությունը 50/50 է: Հոդվածում հեղինակը, հիմնվելով սեփական աղբյուրների վրա, պնդում էր, որ թեև Թուրքիայի զիված ուժերի բարձրաստիճան գեներալները չեն ցանկանում իրականացնել հեղաշրջում, սական ստիպված են գնալ այդ քայլին, քանի որ մեծ անհանգստություն կա սպայական կորպուսի մոտ: Գեներալներն անհանգստություն ունեն, որ Թուրքիայի ռազմական ուժերի նկատմամբ քաղաքացիական հսկողություն իրականացնելու դեպքում Թուրքիայում կիշխեն իսլամիստները, որոնց շահերը ներկայացնում են Էրդողանը և Արդարություն և զարգացում կուսակցությունը (AKP). Թուրքիայի հասարակությանը հիշեցրել էին 1994թ-ին նոյեմբերը, երբ Ստամբուլի քաղաքապետ Էրդողանը հայտարարել էր .“ Փառք ամենկարողին: Ես շարիաթի ծառան եմ”: Այնուհետ նա ինքն իրեն ներկայացրել էր որպես Ստամբուլի իմամ: Newsweek-ում տպագրված այս հոդվածը լուրջ անհանգստություն էր առաջացրել AKP կուսակցության վերնախավում այն ժամանակ Թուրքիայի վարչապետի արտաքին քաղաքականության հարցերով խորհրդական Էգեմեն Բաղըշը բողոքի նամակ էր ուղարկել Newsweek ամսագրի խմբագրությանը, որ նրանք պարզապես Բարանի “թակարդն” են ընկել և տպել են իրականության հետ աղերս չունեցող հոդված: Բաղըշն այդ նամակում պնդել է, որ Բարանը փորձում է որոշակի նպատակներով հեղինակազրկել իրենց կուսակցությանը: ԱԿՊ կուսակցությունը չի մոռացել Զեյնո Բարանի այդ քայլը և ահա , հինգ տարի անց, “Էրգենեկոնի” և “Բալյոզի” հետաքննության շրջանակներում փորձվում է ապացուցել, որ Զեյնո Բարանը մշտական կապ է ուեցել ներկայումս ձերբակալված գեներալների հետ և Newsweek ամսագրում տպագրված հոդվածը եղել է հատուկ պատվերի արդյունք, որպեսզի միջազգային և թուրք հասարակությանը նախապատրաստեն նոր զինվորական հեղաշրջման և վախ սերմանեն Թուրքիայում իսլամական պետության առաջացման նկատմամբ:
Էդիկ Հովսեփյան
Armweeklynews.am 26.08.11
Leave a Reply