Վանի Գևաշի քաղաքապետ Նազմի Սեզերը Աղթամարի Սուրբ Խաչ եկեղեցում կայանալիք պատարագի վերաբերյալ, ասել է. «Անցյալ տարվա նման այս տարի էլ մեր տան դռները բացելու ենք մեր հյուրերի առաջ և բարձր մակարդակով հյուրընկալելու ենք նրանց»:
95 տարի հետո առաջին անգամ անցյալ տարի կատարված պատարագով ծիսական արարողությունների համար բացված Վանի Աղթամար կղզում այս տարի պատարագ է մատուցվելու սեպտեմբերի 11-ին:
Քաղաքապետ Սեզերը, հարցի վերաբերյալ նահանգապետարանի սրահում հավաքված լրագրողներին լուսաբանելով, թե Վանը գրավիչ կենտրոնի է վերածվելու, ասաց. «Հատկապես մեր նահանգի անունից կատարված հաջող աշխատանքները մեզ ապագայի վերաբերյալ ավելի են հուսադրում: Աղթամար կղզին և’ իր հետաքրքիր ու կախարդկան սիրո պատմությամբ, և’ կրոնական սրբատեղիով դարեր ի վեր բոլորին հիացրել է»:
Սեզերը շեշտելով, որ վերնորոգումից հետո էլ ավելի կարևորված Սուրբ Խաչ եկեղեցու անցյալ տարվա պատարագին մեծ թվով մասնակիցներ են եղել, ասաց. «Որպեսզի պատարագին մասնակցելու եկած հայ քաղաքացիները հատկապես ապաստանելու խնդիրների առաջ չկանգնեն, բոլոր հյուրանոցները բարձրակարգ ծառայություն են մատուցել: Մեր ժողովուրդը կանխատեսելով, որ հյուրանոցները չեն հերիքի, հյուրերի առաջ բացել են տան դռները: Անցյալ տարվա նման այս տարի էլ մեր տան դռները բացելու ենք մեր հյուրերի առաջ և բարձր մակարդակով հյուրընկալելու ենք նրանց: Սա մեր ամենակարևոր պարտականությունն է»:
Սեզերը նշել է, որ նրանք, ովքեր ցանկանում են հյուրընկալվել տներում, կարող են զանգահարել քաղքապետարան և ստանալ անհրաժեշտ տեղեկություններ:
«Անադոլու» լրատվական գործակալություն
24.08.2011
Leave a Reply