Թուրքիայում «մահվան» հաշվեկշիռն այլ բան է արտացոլում

Թուրքիայում իշխող կուսակցությունը ահաբեկչության դեմ չի պայքարում, ահաբեկչություն է ծնում: 2002թ-ին իշխանության գալուց հետո Արդարություն և զարգացում կուսակցությունn (AKP) անմիջապես առաջ քաշեց քրդական հարցը և այդ ճանապարհով ուղի հարթեց իր համար դեպի բացարձակ իշխանություն 2011 թ-ի հունիսի 12-ի ընտրություններից հետո: Կարելի է ասել, որ Էրդողանն իշխանության եկավ հիմնականում քրդերի իրավունքների պաշտպանության խոստումներով: Սակայն զարմանալին այն է, որ որքան շատ են Էրդողանի խոստումները, այնքան ավելի շատ ահաբեկչական գործողություններ են կատարվում Թուրքիայում: Ավելին, Էրդողանը հայտարարեց , որ եթե իր կուսակցությունը հաղթի հունիսի 12-ի խորհրդարանական ընտրություններում, ապա բարեփոխումներին այնպիսի հուժկու ընթացք կտրվի, որ երկիրը կարճ ժամանակ հետո կապրի խաղաղության ու կայուն զարգացման պայմաններում: Անցավ ընդամենը երկու ամիս և Թուրքիան գտնվում է չհայտարարված քաղացիական պատերազմի մեջ: Նշանակում է, մի ձեռքով Էրդողանը փորձում է շոյել քրդերի գլուխները, մյուս ձեռքով փորձում է խեղդել նրանց , բռնելով կոկորդներից: Սա է Էրդողանի վարած իրական քաղաքականությունը: Թվերը համառ փաստեր են և նրանց չես կարող խաբել` ինչպես քրդերին: Եթե այդպես չլիներ ապա PKK-ի կողմից իրականացված ահաբեկչության և այլ կարգի գործողությունների արդյունքում զոհերի թիվը չէր աճի`

2000-2001  ահաբեկչության հետևանքով զոհեր չեն եղել

2002 – 13 զոհ, 2003 – 21 զոհ , 2004 – 73 զոհ,  2005 – 92 զոհ , 2006 – 121 զոհ,  2007- 118 զոհ,  2008 – 150 զոհ, 2009 – 135 զոհ, 2010 – 141 զոհ,  2011 մինչ օրս – 84 զոհ

Այս տվյալները վկայում են, որ ներկայիս իշխանությունը ահաբեկչության դեմ չի պայքարում, փորձելով վերացնել ահաբեկչություն ծնող պատճառները բարեփոխումների ճանապարհով, այլ `ահաբեկչություն է ծնում, փորձելով կրկին մոլորության մեջ գցել քուրդ ժողովրդին , ինչպես դա արվել է նախորդ դարասկզբին:

Armweeklynews.am 23.08.11