Դիվանագիտական խաղեր Քրդստանում ցամաքային ռազմական գործողությունների շուրջ

Այն բանից հետո, երբ Թուրքիայի Ազգային անվտանգության խորհուրդն իր վերջին նիստից հետո մամուլի համար “տեղեկությունների արտահոսք’ ապահովեց, տարածաշրջանում սկսեցին լրջորեն քննարկել Հյուսիսային Իրաքում` Քրդստանում, թուրքական ռազմական ուժերի կողմից ցամաքային գործողությունների հնարավորությունը:

Հյուսիսային Իրաքի վարչակազմի ղեկավար Մեսութ Բարզանին Քրդստանի պետական հեռուսատեսությամբ հեռարձակված իր ելույթում դատապարտել է Թուրքիայի կողմից PKK և PJAK ուժերի դեմ ռմբահարումները քրդական գյուղերում և մերժել ցամաքային գործողությունների հնարավորությունը:” PKK-ի և PJAK-ի դեմ ձեր գործողություներն իրականացրեք Հյուսիսային Իրաքի սահմաններից դուրս”,- հայտարարել է Բարզանին:

Անկարայում Իրաքի դեսպան Աբդուլ Քամիլ Աբի- Թաբիխը օգոստոսի 24-ին լրատվամիջոցներին հայտարարել է, որ ահաբեկչության դեմ Թուրքիայի պայքարը և Իրաքում ցամաքային գործողությունների իրականացման համար  երկու երկրների միջև համաձայնություն հնարավոր է և դրան պետք է հանգիստ վերաբերվել: “Թուրքիայի անվտանգությունը նաև Իրաքի անվտանությունից է բխում: Ցամաքային գոծողություններ իրականացնելու համար Թուրքիան պետք է մեր դուռը թակի”,-ասել է Իրաքի դեսպանը: Նույն օրը Իրաքի խորհրդարանի Արտաքին հարաբերությունների հանձնաժողովի նախագահ Հումամ Համուդին, դեմ արտահայտվելով Թուրքիայի կողմից Հյուսիսային Իրաքում ցամաքային գործողությունների հնարավորության վերաբերյալ, պնդել է, որ եթե այն իրականանա էլ, Անկարան պետք է Բաղդադի դուռը թակի: Վերոհիշյալ երկու հայտարարությունները վկայում են , որ Իրաքի իշխանությունները , հնարավոր համարելով Թուրքիայի զնված ուժերի ներխուժումը Քրդստան , այնուամենայնիվ առաջարկում են ստանալ Իրաքի կենտրոնական իշխանության համաձայնությունը: Սակայն , եթե Իրաքի կենտրոնական իշխանությունը տա իր համաձայնությունը Թուրքիային ցամաքային գործողություններ իրականացնելու համար և արդյունքում լինեն զոհեր քաղաքացիական բնակչության շրջանում, ինչպես դա եղավ օդուժի ռմբահարման ժամանակ, ապա Քրդստանի իշխանությունը կարող է իր կապերը լիովին խզել Բաղդադի հետ և անգամ Հյուսիսային Իրաքում անկախություն հռչակել:

Armweeklynews.am 25.08.11