Փոխվարչապետ Արընչը պնդում է, որ Քարայըլանը Իրանի հսկողության տակ է

Փոխվարչապետ Արընչի այն պնդումների վերաբերյալ, թե Իրանը բռնել է Քարայըլանին, Արընչն ասել է. «Որոշ բաներ կան, որոնք դեռևս չենք կարող պարզաբանել ու տեսնել: Ե’վ գործողությունից առաջ, և’ հետո այս անձի որևէ լուսանկար հրապարակված չէ: Ճիշտն ասած՝ անհայտության առաջ ենք»: Փոխվարչապետը կրկին բոլորի ուշադրությունը հրավիրել է Քանդիլի վրա:

Համաձայն «D» հեռուստալիքի լուրերի՝ ահաբեկչական կազմակերպություն Քրդական բանվորական կուսակցության առաջնորդ Մուրադ Քարայըլանը ընդհատակ է անցել: Հետախուզական շրջանակներն ասում են, որ Քարայըլանին Իրանը թաքցրել է անհայտ վայրում, փոխարենը Թուրքիայում անցանկալի Բահոզ Էրդալ ծածկանունով Ֆեհման Հյուսեյինին է բերել:

Այդ նույն աղբյուրները նաև նշում են, որ Քանդիլում մի նոր խաղի ականատես են լինելու: Համաձայն «D» հեռուստալիքի լուրերի` խաղը բեմարդրողները Իրանի ու Սիրիայի գաղտնի ծառայություններն են: Գլխավոր դերերում են Քարայըլանն ու Բահոզ Էրդալ ծածկանունով Ֆեհման Հյուսեյինը: Համաձայն պնդումների` թուրքական հետախուզական միավորումները հստակեցրել էին վայրը, որտեղ կարող էր գտնվել Քարայըլանը, և ներկայացրել Թուրքիայի Ազգային անվտանգության խորհրդին, որտեղ էլ քննարկվել էր հավանական գործողության մանրամասները: Հետագայում որոշում է կայացվել տեղեկությունները հանձնել Իրանին, որն էլ պետք է իրականացներ գործողությունները: Քարայըլանը, իմանալով իր դեմ ծրագրվող գործողության մասին, փախել է Քանդիլից: Սակայն, համաձայն հետախուզության զեկույցի, Քանդիլից փախչելը չի փրկել Քարայըլանին: Իրանն անցել է գործողության և Քարայըլանին ներճամբարել, այսինքն` չի բռնել, սակայն սկսել է հետապնդել՝ չթողնելով թպրտալ: Ահա այսպես Իրանի հետախուզությունը, համագործակցելով Սիրիայի հետախուզության հետ, դուրս է թողել Թուրքիային: Իսկ կազմակերլության առաջնորդ է կարգել ծագումով սիրիացի Ֆեհման Հյուսեյինին: Այս զարգացումների ժամանակ ուշագրավ է եղել, որ վարչապետ Էրդողանը, մայրուղու եզրին կանգանծ, 34 րոպեանոց հեռախոսազրույց է ունեցել Իրանի նախագահ Ահմադինեժադի հետ: Համաձայն պաշտոնական լուսաբանումների` երկու առաջնորդները խոսել են Սիրիայում կատարվող զարգացումների մասին: Իսկ կուլիսների հետևում ասում են, որ հնարավոր է՝ սակարկած լինեն Քարայըլանի, «Սիրիայի առաջնորդ Ասադի անկման, Բահոզի միանձնյա առաջնորդության ու Քարայըլանի հովիտ իջնելու» վերաբերյալ:

Միլլիյեթ, 24.08.2011