Ո՞վ է քրդերի Աթաթուրքը

Թուրքական «haber1.com» պարբերականը գրում է, որ քրդական հարցի ժողովրդավարական նախաձեռնությունը քրդերին միավորելու փոխարեն ի հայտ է բերել հարավարևելյան նոր թույլ գծերը` ո՞վ է քրդերի առաջնորդը:

Ադանայում Ամերիկայի Արտակարգ դեսպանությունում /հավանաբար պետք է հասկանալ Ադանայում ամերիկյան հյուպատոսարանը- Ակունքի խմբ./ գրված  հույժ գաղտնի փաստաթուղթը Անկարայի դեսպանի թույլտվությամբ ուղարկվել է ԱՄՆ: 

«Թարաֆ» թերթում հրապարակած վիկիլիքսյան գաղտնազերծված փաստաթղթերից պարզ է դառնում, որ ժողովրդավարական նախաձեռնության ժամանակ և հետագա գործընթացներում քրդերը փնտրում են իրենց Աթաթուրքին:  

Այդ հույժ գաղտնի փաստաթղթում մասնավորապես ասվում է. «Կրոն, ԱԶԿ և խորքային պետություն հարցերում առկա բաժանումների նման քրդերը ևս այն հարցում, թե ով պետք է լինի Թուրքիայի քրդերի Աթաթուրքը, տարաձայնություններ ունեն: Դիարբեքիրցի փաստաբան Թահիր Էլչին ասաց, որ ոմանք մատնանշում են Քրդական բանվորական կուսակցության առաջնորդ Աբդուլլահ Օջալանին, ոմանք էլ` Մեսուդ Բարզանիին, իսկ ոմանք խոսում են քաղաքական առաջնորդ, մարդու իրավունքների պաշտպան Շերեֆէդդին Էլչիից, ուրիշներն էլ` Ժողովրդավարական հասարակություն կուսակցության առաջնորդ Ահմեդ Թյուրքից»:

http://www.haber1.com/wikileaksteki-abd-kriptosu-kurtlerin-ataturku-kim.html