Թուրքերը ձերբակալել են հայ-թուրքական սահմանը հատել փորձող իրենց հայրենակցին

Թուրքիայի սահմանն ապօրինաբար հատել կամ այդ երկիրը լքել փորձող 145 մարդ է ձերբակալվել:

Ինչպես փոխանցում է թուրքական պետական «Անադոլու» գործակալությունը, հղում կատարելով Թուրքիայի Զինված ուժերի Գլխավոր շտաբի տվյալներին, ձերբակալվածներից մեկը փորձել է հատել հայ-թուրքական սահմանն ու անցնել Հայաստան: Վերջինս եղել է Թուրքիայի քաղաքացի: Նրան ձերբակալել են սահմանը հատելու պահին:

Թուրքիա մուտք գործել փորձողների մեջ մեծ թիվ են կազմել Մյանմարի, Պակիստանի, Աֆղանստանի, Պաղեստինի և Էրիթրեայի բնակիչները:

HayNews.am

24.08.2011