Պատմական եկեղեցին վերաբացվել է

Մարդինի Նուսայբին գավառի Մոր Եփրեմ Մոր Թեոդորոս եկեղեցին Եվրոպայի ասորիների ու ասորական միությունների ներդրումներով վերանորոգվել և վերաբացվել է:

Ուչքյոյում գտնվող 6-րդ դարում կառուցված պատմական եկեղեցու վերաբացմանը մասնակցել են Մարդինի փոխնահանգապետ Շենոլ Քոջան, Նուսայբինի կայմակամ Մուրադ Գիրգին, մետրոպոլիտ Սամուել Աքթաշը, Նուսայբինի փոխքաղաքապետ Հասան Բոզքուրթը, գավառի մուֆթի Իսմայիլ Չիչեքը, «Թուր Աբդին» զարգացման միությունների ֆեդերացիայի նախագահ Սաբրի Աքբաբան և ասորի քաղաքացիներ:

Պատարագից հետո մետրոպոլիտ Սալիբե Օզմենն իր ելույթի ժամանակ ասաց. «Մարդինը խաղաղության, սիրո և համակեցության ամենագեղեցիկ օրինակներից մեկն է: Մարդինը էբրու (թուղթը զարդանախշելու արվեստ) է, իսկ էբրուից որևէ գույն չես կարող առանձնացնել: Եթե առանձնացնես, այդ էբրուից որևէ ստեղծագործություն չի մնա: Այս գեղեցիկ կոթողը տարիներ շարունակ իշխում է այստեղ, այն խաղաղության, եղբայրության և համակեցության մշակույթի շարունակությունն է լինելու: Հուսով եմ, որ այս ամենում ներդրում ունեցած մեր քաղաքացիները իրենց ջանքերը չեն խնայի Նուսայբինի Մոր Հակոբ և Մոր Եվգեն եկեղեցիների համար:

Հույս ունեմ, որ այս գեղեցիկ կոթողը վերակենդանացնողները միայն որոշակի օրերի այստեղ գալով ու պատարագին մասնակցելով չեն սահմանափակվի, այլ, գալով հայրենիք, այստեղ կբնակվեն: Մաղթում ենք, որ այս եկեղեցին որպես համակեցության ամենագեղեցիկ օրինակներից մեկը աշխարհին ներկայացնելը որպես համատեղ ձայն՝ աշխարհին լսելի լինի»:

Իսկ կայմակամ Գիրգինն ասաց, որ ասորիներն այս աշխարհագրական տարածքի հնագույն գույներից մեկն են: Այնուհետև ուշադրություն հրավիրելով այն հանգամանքի վրա, որ ասորիներն իրենց համար մեծ հարստություն են հանդիսանում ու այս աշխարհագրության անբաժանելի հատվածն են, ասաց. «Անցյալում թե’ տնտեսական և թե’ սոցիալական պատճառներով հավանաբար ստիպված են եղել լքել աշխարհագրական շրջանը, ուր ծնվել ու մեծացել են, և գաղթել եվրոպական երկրներ: Սակայն վերջին տարիներին իհայտ եկած զարգացումներն ու մեր` որպես պետություն, գործադրած ջանքերը պատճառ են հանդիսանալու, որպեսզի մեր այս քաղաքացիները հետ վերադառնան իրենց հայրենիք: Մենք էլ փորձում ենք իրականացնել այս իմաստով մեր ուսերին ընկած պարտականությունները:

Վերջին տարիներին մեր ձեռքից եկածը կատարում ենք հատկապես այս շրջանի մեր բոլոր ասորական գյուղերում թե’ խմելու ջրի, թե’ ենթակառուցվածքների և թե’ ասֆալտապատման աշխատանքների համար: Որովհետև մեզ համար կարևոր է, որ մեր քաղաքացիները չլքեն այս տեղը, այս հարստությունը անվերջ շարունակվի, և ցույց տան, որ այս հարստության մի մասն են: Եկեղեցին վերանորոգելն ու վերաբացելը չափազանց իմաստալից է:

Կարծում եմ, որ սա մյուս ասորական գյուղերի համար օրինակ կծառայի: Աշխարհագրական այս հատվածը պետք է աշխույժ պահենք: Մեր այս եկեղեցիներն ու վանքերը վերանորոգելով՝ պետք է կրկին վերաբացել»:

«Ցանկանում ենք վերադառնալ մեր հողերը, ու ծնվել ու մեծացել ենք»

Յեմիշլի գյուղի գյուղապետ Քենան Քարաթաշը հիշեցնելով, թե քանի որ անցյալում գյուղերը դատարկվում էին, ասորիները ստիպված են եղել գաղթել իրենց հողերից, սակայն կարոտում են և ցանկություն ունեն վերադառնալ:

Քարաթաշը հիշեցնելով, որ ասորիները ցանկություն ունեն վերադառնալ այնտեղ, որտեղ ծնվել ու մեծացել են, ասաց. «Այս տեղը ավերված ու քանդված վիճակում է: Մեր եկեղեցին վերանորոգելով` վերաբացեցինք: Խաղաղության համար երկխոսություն ենք զարգացնում: Ցնականում ենք վերադառնալ մեր հողերը, որտեղ ծնվել ու մեծացել ենք: Մենք մշտապես գնահատում ենք մեր պետությունը»:

Բացման արարողություն ավարտվել է ասորիների հոգևոր երգերով:

http://www.gercekgundem.com/?p=396068